Ngakchia Nih “W” Bantuk In Thut A Tha Lo Nak

Ngakchia Nih “W” Bantuk In Thut A Tha Lo Nak

Zei Ruangah Dah “W” Pungsan In Ngakchia Thut Hlah Kan Ti Lengmang Hna Nak A Ruang

Hringtu Nu le Pa nih zeitin dah kan fa an thut ti cu kan theih dih cio mi asi. “W” pungsan in ngakchia hna hi thut an hmang ngaingai, ngakchia lawng si lo in a puitling mi cheukhat zong “W” pungsan in thut a hmang mi an um ve. “W” pungsan thut hi ngandam nak caah a that lo pin ah kan thut dir ning ca zongah a that lo caah hringtu nu le pa nih fa le kha an thut ter hna lo nak hi a si.

Ngakchia nih Zei Ruangah dah “W” bantuk in an Thut

Ngakchia nih “W” bantuk in an thut nak a ruang phunkhat cu “ngakchia cu an ruh a no i, a ei cu tikah “W” bantuk in fawi tein an thut tawn lengmang nak a si, cu pin ah “W” bantuk in an thut tikah an sia a rem deuh ngai in, an theih caah a si i, cun an pum an i mer tikah a fawi zang deuh in an theih caah a si”.

Zei Ruangah dah “W” bantuk in Ngakchia Nih an Thut lo awk a si

“W” bantuk in thut tikah kengfah, tai fah tibantuk ngeih khawh a si, cu pin ah țawk ai dawh lo pin ah țawk um ning a hman ter lo. Khup ruh hliahhlawk a than ning a fum ter. Kan takpum a sining a hman ter lo (tahchun nak: Ken Kun, phuchuk le ngal kawi ti bantuk si a fawi). Cu pin ah ruh lei zawtfah nak zong a chuah ter caah a si.

Zei Tin Dah Kan Thlop Lai

Ngakchia nih “W” bantuk in an thut fatin ralrin nak na pek peng hna lai. “W” bantuk thut nih a lem mi kha, tlau ter khawh nai zuam lai, țuang ah “W” bantuk in a thut tikah thutden cungah thutter khawh na zuam peng lai. Ngakchia nih a duh mi thil hna kha lem nak ah cawk piak law “W” bantuk in thut a that lo nak kha a fiang khawh nak hnga chim cawnpiak i zuam.

Credit: MyHealth

Be the first to comment on "Ngakchia Nih “W” Bantuk In Thut A Tha Lo Nak"

Leave a comment

Your email address will not be published.


*