Middleweight le Light Heavyweight World Champion Aung La N Sang Nih Japan Pațhawng Hasegawa Sin Cakuat

Middleweight le Light Heavyweight World Champion Aung La N Sang Nih Japan Pațhawng Hasegawa Sin Cakuat

An i thongh hlan ah, kan i thongh dih in hmunkhat te ah Sushi kan ei ti lai tiah a sawm nain siizung a phanh tikah rianrang tein dam law sushi zong hmunkhat te ah kan ei ți lai cu tiah Aung La N Sang nih Hasegawa cu a ti.
March 31 zan ah Aung La N Sang le Hasegawa cu MMA one championship an i thonghnak ah Aung La nih a ke in a chuihnak ah Japan pa Hasegawa cu a hnakruh a pahnih a kiat pin ah a cuap chungah thi (blood) 2 liters tiang an lak piak nak cu Hasegawa nih siizung ah a ih lio hmanthlak he a social page ah a langhter.

Cu bantuk in Hasegawa siizung a phak tikah Aung La N Sang nih official tein a hman mi social page ah “a rangnak in dam khawh i zuam ken (hasegawa), na dam zau lai ti zong ka theih ko, nangmah cu kei mah caah MMA zuamcawhtu țha taktak na si. Nang mah nih zuamnak na ngei mi lungthin hrim kan thangthat. Nangmah he kan i thongh cu a sunglawi tuk mi asi. Kan i thongh dih in hmunkhat te ah sushi kan ei ti te la na ka ti mi leiba na ngei rih hi aw, a rauh hlan ah kan i tong țhan lai cu, asinain i thonghnak bual hmuah si loin” tiah Aung La N Sang nih pumpak a hman mi social page ah a țial.

 

Aung La N Sang cu a ra lai mi October thla ah Light Heavyweight taisawmh ven dingin Heavyweight champion Vera he ai thongh ding an si.

Credit:duwun

Be the first to comment on "Middleweight le Light Heavyweight World Champion Aung La N Sang Nih Japan Pațhawng Hasegawa Sin Cakuat"

Leave a comment

Your email address will not be published.


*