Soisel Le Thangchiatnak A Tamtuk Ruangah Academy Pekmi Chuh Țhan An Timh

Soisel Le Thangchiatnak A Tamtuk Ruangah Academy Pekmi Chuh Țhan An Timh

Kawlram mi tampi nih soisel le thangchiatnak a tam tuk ruangah myanmar academy laksawng an pek mi chuh țhan dingin timhtuahnak an ngeih mi cu Myanmar baisakup committee lei nih fakthanhnak an tuah.

Myanmar cenima thiam hlei laksawng cu march 23 ah Yangon khua ah an tuah. Cu bantuk thiamhlei peknak an tuah mi cu kawlram mizapi nih thangchiat le soisel nak a tam ngaingai, cu lawng hmanh si loin kawl film pawl zoh lo ding tiang hmanh in sandah an piah hnawh hna tikah myanmar baisakup thiamhlei an pek mi hna chuhnawlh țhan dingin timhtuahnak ngeih ding an i tim tiah theih a si.

Kawlram mizapi nih soisel le thangchiat nak kong he pehtlai in U Htet nih meeting kan tuah than. Committee zong, academy thimtu phu zong an i tal dih. Cu meeting ahcun kan dihlak in i ceih hmai nak kan ngei i, a hnu cem ahcun pekcia mi academy laksawng cu chuh țhan dingin biakhiahnak kan tuah. A herh si ahcun hruaitu keimah (U Htet) hmunhma zong kawlram mizapi nih vote pek dingin timhtuahnak ka ngei” tiah kawlram baisakip hruaitu U Hte Oo nih a chim.

Tu bantuk in acedemy thiamhlei laksawng pek mi hna chuh țhan ding ti mi cu kawlram baisakup tuanbia ah a um bal lo mi asi i, a tu hi avoi khatnak a si lai. A hlan ah academy laksawng pek nak kong ah soisel nak tete zong a rak um len tawn ko nain pek cia mi laksawng chuh țhan ti a rak um bal lo tiah baisakup lei upa pakhat nih a chim.

“Tu cu kawlram mizapi nih academy mi pek mi kongah soisel le thangchiat ngaingai asi. Cu lawng hmanh si loin kawl baisakup zoh lo ding tiangin sandah an piah, kan nih cu mah baisakup in a paw ai cawm mi kan si, mipi nih an zoh duh lo si ahcun rawl loin kan um bak si. Cu tikah tu bantuk in tu kum academy pekcia mi kan chuh țhan hna lo si ahcun hmailei kar kan hlannak ding ah lam har ngaingai ding asi, cu ruangah tu bantuk in chuh țhan dingin timhtuahnak kan ngeih hi asi tiah a ti.

Asianin cu bantuk academy laksawng an chuh ding mi hna cu midang maw pek țhan an timh hna, zeitin dah an tuah lai tiah chimphuan nak an tuah chih lo. 

👉Kawlca in relnak LINK

Credit:shwe yoe

Be the first to comment on "Soisel Le Thangchiatnak A Tamtuk Ruangah Academy Pekmi Chuh Țhan An Timh"

Leave a comment

Your email address will not be published.


*