A Pasal He Hmunkhat Ah Rian An Țuan Khawh Caah Ai Nuam Tuk Mi Shwe Hmone Yati

A Pasal He Hmunkhat Ah Rian An Țuan Khawh Caah Ai Nuam Tuk Mi Shwe Hmone Yati

Țhitumhnak an tuah hnu ah a pasal asi mi Shwe Htoo he hmunkhat te ah rian an țuanți khawhnak caanțha a ngeih nak le ai nuamhnak kong cu Shwe Hmone Yati nih a chim.

Hmunkhat te ah puai tibantuk kan kal ți lengmang ko nain video film kan nupa in i thlak mi cu hmuh khawh dingah a har ngai mi asi tiah Shwe Hmone Yati nih a chim.

“Hmunkhat te ah video film i thlakți ding ai fiang lo tiah ka chim tikah ningzah awk zong asi lo, Shwe Htoo nih a nupi keimah hmai ah muicawl a van tuah ah tlawmpal cu a ning a zak pah tawn, a mah he hmunkhat ah video film chungah lem van cang dingah bia tak tein thim hnu ah lemcang a hau phun asi. Cu tikah hmunkhat ah video film i thlak ding hi ka duh tuk lem lo” tiah Shwe Hmone Yati nih a ti.

“Kan pahnih in hmunkhat te ah puai kalți nak caanțha kan ngei caah a kan sawmtuk hna cungah lunglawmhnak tampi kan ngei. Brand ambassador a kan pek, hmunkhat te ah rianțuan ți nak caanțha kan ngeih caah rian ngeitu cungah kai lawmtuk, thazang a kan petu mizapi hna cung zongah kan i lawmtuk” tiah hlasak thiam Shwe Htoo nih a ti.

kan rian kong he pehtlai in pakhat le pakhat ruahnak kan i cheu peng tiah an chimchih.

“Ko Shwe Htoo kutcung ah a phan mi video thlak ding hna hi, ka si khawh chungin ka zoh piak i ka chimh, mah bantuk video ahcun nai tlak lo, nai rem lai lo tiah ka ruah, tibantuk in Shwe Hmone nih a pasal cu ruahnak a cheuh tawn. A tuah duh mi asi ahcun tuah ko seh, kei cu a pawng ah um i ruahnak pektu lawng ka si ko. Hlasak lei he ai pehtlai mi asi ahcun a mah nih ruahnak a ka cheuh ve” tiah Shwe Hmone nih a ti.

“Kan i țhitumhka hrawngah nu le pa nih si hna seh, cheukhat a kan țanhtu nih si hna seh a kan ruah ning ai dang deuh i an thinphang ngaingai, sinain a hnu ahcun kan sining a kan cohlan khawh caah kai nuam tuk tiah Shwe Htoo nih a ti.

“A hramthawk ahcun nu le pa zong an thinphang, asinain kan pahnih kar ah a im mi kan i duhnak le dawtnak an hmuh tikah nu le pa, cheukhat a kan țanhtu hna zong nih a kan cohlan piak caah kai lawmtuk, kan i duh dawtnak hi ni nikhat ahcun an theihthiam te ko la” tiah Shwe Htoo nih a ti.

Kum chiar te Ti toih puai paoh ah ramleng ah khual ka tlawng peng i tu kum zong ramleng ah khual tlawn ding in timhtuahnak kan ngei tiah Shwe Hmone Yati nih a ti. Khawika hmun ah dah kan kal lai timi cu kan chim rih hna lai lo, hmanthlak kan tar tikah rak zoh te uh” tiah a chimchap.

#credit:7day news journal

Be the first to comment on "A Pasal He Hmunkhat Ah Rian An Țuan Khawh Caah Ai Nuam Tuk Mi Shwe Hmone Yati"

Leave a comment

Your email address will not be published.


*