Mawtaw Khawndennak Ruangah Siizung A Phan Mi Nu Pakhat Taylor Swift nih Thazang A Pe Ning Cu Uar A Um Bak 

Mawtaw Khawndennak Ruangah Siizung A Phan Mi Nu Pakhat Taylor Swift nih Thazang A Pe Ning Cu Uar A Um Bak

Taylor Swift hi mipi nih rak uar lo awk hrimhrim a rak tha lo, a uartu hna nih thazang rak pek lo awk hrimhrim a rak tha lo bantuk in Taylor Swift zong nih a tanhtu mipi hna cungah a ngeihmi lungput, le dawtnak a ngeih mi a langhter lengmang mi hlasak thiam asi caah an rak uar khun nak hi asi.

Tu zong Taylor Swift nih Swifties chungah pakhat asi mi Lindsay ti mi nu pakhat khuaruahhar in lunglawmhnak pakhat a tuah piak tiah theih asi.

Lindsay hi ruahlopi in mawtaw khawndennak ruangah siizung a phan mi asi. cu tikah Lindsay sin ah Taylor Swift nih ai dawhtuk mi pangpar he a mah pumpak nih a tial mi catlap pakhat he siizung ah laksawng a kuat. cu kong he pehtlai in Lindsay nih april ni 9 ah a Twitter ah pangpar dawh te le catlap te cu a van langhter (a tangcem ah video zong um) “tu tiang ka khuaruahhar a har peng rih, kai lawmtuk, Taylor nangmah cu a hramthawk le donghnak um lo in kan uar, mah na ka tuahpiak mi hi ka caah zeitluk in dah sullam a ngeih ti cu na theih tuk lem lai lo, a rauh hlan ah hla na sak nak ah kan i hmu lai’ tiah catial he a twitter ah a langhter.

Taylor Swift nih ca a tialmi cu…..

“Hi Buddy

Tu bantuk in na tonmi thil ka theih tikah ka lung a tha lo ngaingai, tu bantuk in thil na ton tikah ka thinlung nih fahnak a tuah ngaingai ve. Mah pangpar nih tuchun chun ni tlak an lawmhter lai tiah ruahchannak zong ka ngei, na hngawng nai khawnmi zong a dam zau lai i, a rauhhlan ah kan i tong than lai mu…..

Keimah zaka ah na nu le na pa zong rak ka kuhpiak hna, na tlamtlin ca zongah kai lawmtuk, na dawtmi Taylor” tiah ca a tial.💗

Be the first to comment on "Mawtaw Khawndennak Ruangah Siizung A Phan Mi Nu Pakhat Taylor Swift nih Thazang A Pe Ning Cu Uar A Um Bak "

Leave a comment

Your email address will not be published.


*