Rawl Chumhtu Rian A Tuannak in Minthang Ah Ai Chuahmi Nu

Rawl Chumhtu Rian A Tuannak in Minthang Ah Ai Chuahmi Nu

Jem Wolfie tiah auhmi nu hi Australia ram nitlak lei Perth khua ah a um mi asi ii, a hlan ah chumhchuan nak he ai pehtlai mi rian hi a rak huam ngaingai mi asi. sinain tu ahcun chumhchuan he ai pehtlai mi si lo in riandang ah a minthang ngaingai mi pakhat ah ai chuah.

Chumhchuan hi a rak huam taktak mi rian asi i, high school zong dih lo in sianginn kai ai din ii rawldawr ah rian a lut, zarhkhat ah suimilam 70 tiang rawlchumh rian a rak tuan i chumhchuan lei thiam nak a rak cawng pah mi asi.

Jem Wolfie hi chumhchuan a huam lawng si loin zanglek lei zong a huam pah mi asi. ai manh caan tete ah basketball ai celh tawn mi asi. cu tikah Jem Wolfie cu Western Australia baskeball league ah zanglek thiam pakhat ah a hun i chuah.

 

Van chiat ah kum 2015 basketball zuamnak ah a khup hliamhma a tuar ruangah basketball he chumhchuan rian in a rak i din. Jem Wolfie ai celh nak team bawmhnak in a khup hliamhma cu an thlop in tha tein dam khawhnak dingah ti in gym caan hman tein ai celh lengmang.

Cu bantuk in gym a kalnak hmanthlak pawl cu a Instagram ah a hei tar lengmang. Cu bantuk in a hmanthlak a tar lengmang tikah mipi nih van uar ngaingai mi nu pakhat a hun si ai. A hnu ahcun Influencer hna caah a dang tein tuahmi sipuaizi kawl khawhnak OnlyFans Platform ah register a tuah i account a tuah.

OnlyFans cu social media ah minung pakhat nih a duhmi minung pakhat nih a post mi ca le hmantlak zoh a duh mi kha thlakhat ah cuzat tibantuk in tangka pek in zoh khawh asi.  Jem Wolfie nih a chim mi pawl zohduh le hmuh duh ahcun thlak khat ah dollar 15 pek in zoh khawh asi. A thlakhatnak a tuah mi ah OnlyFans lawng bak ah dollar ting 2 tangka lut a hmuh.

Jem Wolfie a hman mi social media platform he fonh ahcun nikhat ah dollar 30000 hrawng a tlawmbik a hmuh zungzal. a khup ai hliammi a dam cang ko nain chumhchuan lei riantuan ai tim ti lo. sinain ai manh caan paoh ah online in zeibantuk chumhchuannak thilthar dah ka chuah khawh lai ti mi a langhter lengmang.

Jem Wolfie cu fitness model a tuan pah in fitness he ai pehtlai mi fakthanhnak rian zong a tuah chih mi asi. cu pin ah basketball zong ai celh pah thiamthiam mi asi. cun a mah pumpak nih Wolf Gang timi angki zong a chuah.

Be the first to comment on "Rawl Chumhtu Rian A Tuannak in Minthang Ah Ai Chuahmi Nu"

Leave a comment

Your email address will not be published.


*


Secured By miniOrange