A Zawmi Sianghngakchianu Pakhat Sii-Inn Kalpah Ah Mizawt Phurtu Mawtaw Cungah Tuaitam A Ton

A Zawmi Sianghngakchianu Pakhat Sii-Inn Kalpah Ah Mizawt Phurtu Mawtaw Cungah Tuaitam A Ton

Kum 17 hrawng lawng asi rih mi sianghngakchianu pakhat cu part time in rian a țuannak ah ruah lo piin a lungmit i a tlu, cu tikah mizaw phurhnak mawtaw in sii-inn lei an kalpi lio ah mizaw phurtu mawtaw cungah ngandamnak lei rian a țuan mi pa nih a tuaitam…..

April 21 ah Malaysia ram Seligman state sianghngakchia nu pakhat cu sianghleirun sianginn chungah tuahmi coffee dawr ah part time in rian a țuan, rian a țuan cuahmah lio ah ruah lo pi in asa inn (အစာအိမ္ေဝဒနာေၾကာင့္) dam lo nak ruangah dawr ngeitu pa kha phone a chawnh i bawmh a hal.

Coffe dawr ngeitu a phak tikah cun sianghngakchianu cu a lungfim ti lo in a rak um kha a hmuh, cu tikah siangleirun sianginn sii-inn ah an kalpi. Siibawi nih a zohfel tikah a zual hma deuh ngai caah sii-inn lei ah kal dingin mizaw phurtu mawtaw an auh i sii-inn lei ah an kal pi.

Dawr ngeitu cu a mawtaw in sii-inn lei ah a rak kal chung ii, mizaw phurtu mawtaw sii-inn a phak tikah sianghngakchianu cu ningzak ngai le hmaichia ngai in a um pah in a țap, cu tikah dawr ngeitu pa nih lau ngai in zeitin dah na um tiah a hal chih hnu ah..mizaw phurhnak mawtaw chungah rian a țuan mi pa nih lam thluanchuak chung zohdawh lo ngai in a tuaitam nak kong pawl a chim.

Mizaw phurhnak mawtaw cung ii a ih lio ah a lungfim chel a fim lo chel ti in a um lio ah mawtaw a zultu pa nih lam thluanchuak a hnuk a deh piak, cu pin ah a tanglei zongah a kut in a sawh piaknak kong a chim, kei mah le kei mah runvennak thazang ka ngei lo caah kai runveng kho lo tiah sianghngakchia nu nih a chim.

Cu tikah coffee dawr ngeitupa cu a thinhang tuk ii, mizaw a dam deuhnak dingah khenh loin caanțha i lak riangmang i tuaitam cu tikah a tuaitamtu pa cu palik sin ah report a tuah.

Palik lei zong nih ngakchia runvennak upadi pohmah 14 (ခ) in report a tuahmi cu an cohlan piak i, kum 22 hrawng asi mi mizaw phurtu mawtaw cungah rian a țuan mi pa cu an tlaih i biahalnak an tuah chuahmah liopi si tiah theih si.

credit – popolay

Be the first to comment on "A Zawmi Sianghngakchianu Pakhat Sii-Inn Kalpah Ah Mizawt Phurtu Mawtaw Cungah Tuaitam A Ton"

Leave a comment

Your email address will not be published.


*