Ayeyawaddy ah Taluk Nih Tuah Timh Mi Myitsung Sacho Hrawh Dingin Hal Mi Taluk Nih A Cohlan Cang

Ayeyawaddy ah Taluk Nih Tuah Timh Mi Myitsung Sacho Hrawh Dingin Hal Mi Taluk Nih A Cohlan Cang

Rampi ruahnak petu Daw Suh nih ayeyawaddy tiva dil dingmi kong ( ျမစ္ဆံုအေရး) ah Taluk a kalnak ah hlawhtlinnak a hmuh…..

Daw Aung San Suh Gyi nih Taluk ram a kalnak ah Myitsung tuah dingin lungtlinnak an rak ngei mi minsen țialmi hrawh dingin a hal hna ii Taluk president zong nih a rak cohlan piak.

Thematic Forums of the Second Belt and Road Forum for International Cooperation cu Beijing ah an tuah ii, cu forum ahcun Daw Aung San Suh Gyi zong ai tel ve. Cu pin ah Czech president, Chili President le Malaysia PM telh in ramkip hruaitu zong an i tel hna.

Cu forum an kai nak ah Daw Aung San Suh Gyi le Taluk President Xi Jinping cu nizan zanlei sangah Beijing ah ton biaruahnak an ngei. Daw suh le Taluk President nih papek in ceih hmai nak an ngei mi cu Myitsung kong hi asi.

Cu an i tonnak ah an i ceih mi hna cu Thematic Forums of the Second Belt and Road Forum for International Cooperation tlangtar tangah ram hnih kar ah zeitluk in dah kan i bawmh khawh lai i rian kan țuanți khawh lai ti mi, ramri ah daihnak a um khawhnak hnga, Rakhain ah um nak a zamtak mi hna cohlan țhan ding, kawlram mizapi nih myitsung tuah lo ding an duhnak kong pawl ceihți nak an ngei tiah theih asi. Cu an i ceihți nak ah Daw Suh nih kawlram mizapi nih myitsung tuah an duh lo caah minung pakhat ah dollar fangkhat cio khawlh i myitsung tlanh țhan ding an duh nak kong le ram mifim thiam hna zong nih tuah an duh lo nak kong, kawlram minung hna ii kan nunnak thlurpi asi mi Ayeyawaddy tiva ah myitsung tung ding mi sacho hrawh dingin a hal hna.

Cu tikah Taluk President Xi Jinping nih ram mizapi hna nih an duh lo tuk mi asi caah tulio kawlram cozah bawmh dingin ready kan si ii Myitsung tidil tuah dingmi cu kan tuah lai țhan ti lai lo tiah Daw suh nih a halmi cu a cohlan nak bia a chim.

Cozah lei nih tuah țhan ding asi sual ahcun ramkhel thang an țhumh asi lai, cupin ah mizapi nih a kan zumhnak zawrter zong kan duh lo, kum 2020 thimnak zongah mizapi nih thim mi tulio cozah bantuk si țhan dingin a lung um bia zong a chim. Taluk president nih keimah ka țuan lio, tuahnak nawl ka ngeih lio asi caah nan ka hal mi hi ka lung a tling ii minsen zong kan țial piak hna lai tiah a ti.

Myitsung tidil hrawh ding lungtlinnak mensen țial ding mi cu Daw Suh Kawlram a tlun hlan ah kan tuah lai tiah a chimchih.

Thematic Forums of the Second Belt and Road Forum for International Cooperation cu april 27 tiang nithum chung tuah ding asi lai.

Credit:cnn

Be the first to comment on "Ayeyawaddy ah Taluk Nih Tuah Timh Mi Myitsung Sacho Hrawh Dingin Hal Mi Taluk Nih A Cohlan Cang"

Leave a comment

Your email address will not be published.


*