A Rauh Hlan Ah Internet 5G Kawlram ah Hman Khawh Asi Lai

A Rauh Hlan Ah Internet 5G Kawlram ah Hman Khawh Asi Lai

Kum 2019 chungah 5G congress sipuaizi caah a hmang kho cang mi ram dihlak fonh 60 renglo an si cang i, kawlram zong a ra lai mi kum 2020-2021 ah 5G congress hman khawh asi cang lai tiah Huawei company nih an zumhnak an chim.

Yagnon khuachungah a um mi Myanmar Plaza ah a um mi Huawei zung lianbik ah april 29 ah tuah mi Huawei Myanmar ICT Congress 2019 ah an chim mi cu “ram chung chawnh biaknak lei rian he pehtlai in 5G congress tuah dingin rian kan țuan lio si” tiah an chim.

 Huawei nih 5G version, Huawei Mate X zong, cu puai ahcun hmuhsaknak an tuah i, tu kum a dih lei ah mizapi sin ah zuar khawh dingin fakthanhnak an tuah.

Myanmar ram chungah digital sipuaizi a țhancho nak caah Huawei nih biakam nak an tuah i Digital Ecosystem pakhat a chuah khawhnak dingah hawi he i bawmh in rian kan tuah cuahmah” tiah Huawei Myanmar i CTO asi mi pa nih a ti.

A chim rih mi cu kan i ruah ningah kawlram ah 5G hi commercial hna nih 2020-2021 ah sipuaizi ah hman khawh dingin kan i tim.

Huawei le cozah i bawmh ii 5G congress caah line kal ning le a dangdang zong i bawmh in kan tuah tiah a ti. Ram chung minung hna nih Huawei cu phone company pakhat bantuk in mitampi nih theih asi, a taktak tiah cun Huawei i ai timh mi cu Digital in riantuan le Technology fimnak solution pek ding hi ai timh mi asi.

Myanmar ICT Congress 2019 puai ah Huawei nih “5G is On” ti mi tlangtar he 5G E2E Solutions pawl, Huawei Cloud Solution pawl, B2C, B2H le B2B sipuaizi rian pawl hna le technology solutions pawl zong hmuhsaknak a tuah.

Kum 2019 march thla dih hrawng ah Huawei nih vawlei cung ah 5G Commercial Contract dihlak 40 hrawng he sacho a tuah i Europe ah ram 23, Africa ah ram 1, Asia Pacific le Middle East hna ah sacho a tuah cang.

Photo credit to Duwun Tech

#Credit

Be the first to comment on "A Rauh Hlan Ah Internet 5G Kawlram ah Hman Khawh Asi Lai"

Leave a comment

Your email address will not be published.


*