Messi+Saurez Tuai le Salah+Mane+ Farmino Tuai Hodah An Thiam Deuh Timi A Chimtu By Hamann

Messi+Saurez Tuai le Salah+Mane+ Farmino” Tuai Hodah An Thiam Deuh Timi A Chimtu By Hamann

Tuzan Champion league semi-final a chuih dingmi Barcelona le Liverpool cu Barcelon cerhtual ah chuih ding an si. Barcelona nih Laliga ah puai 35 an chuih cang i goal 86 tiang a goal khotu an si ii, Liverpool nih premier league ah puai 36 an chuih cang i goal 84 tiang a goal khotu an si ve.

Liverpool midfielder hlun pakhat asi mi Didi Hamann nih a chim mi cu barcelona nak in Liverpool hmaikal a tuai hi an thiam deuh tiah a ti.

Barcelona nih quarter-final lio ah Manchester United cu goal 4-0 in an rak tei hna i, Liverpool nih Porto cu 6-1 in an tei ve hna. Barcelona nih messi le Liverpool hmaikal hlun Saurez an i ngeih hna i, Liverpool nih Salah, Mane le Firmino bantuk hmaikal an i ngeih ve. Asinain ho te hmaikal dah an țha deuh tiah cun Liverpool hmaikal an țhan deuh tiah Didi Hamann nih a zumhnak kong a chim.

 

Racing Post nih Didi Hamann biaruahnak an ngeih i a chim mi cu “tu an chuih ding mi ah Barcelona nih bawlung tinco ah an tei deuh hna ding cu a fiang ko, asinain nai hrawnghrang an chuih mi zoh tikah lungkhen in goal an khumh kho lo i tuzan an chuih dingmi zong cu thiamthiam cu asi te ko lai.

Tu lio Liverpool hmaikal an cawlcang ning zoh tikah barcelona hmaikal nak in an țha deuh tiah Didi Hamann nih a zumhnak a chim. Tulio barcelona an hmaikal zoh tikah Suarez zong a ke chuah bik caan a si lem ti lo, cu pin ah Messi le Suarez nih vawilei cung hnukham ah a țha bak ti mi Center defender pakhat asi mi Van Dijk hi zeitin dah kan tei khawh la ti mi lam an khawl an hau. Van Dijk hi khuaruahhar in a ke a chuah lio a si pin ah Van Dijk kha țha taktak in a bawmtu midfielder Fabinho zong a um rih” tiah a ti.

Messi hi kum upa lei a si ko nain goal a khumh khawhnak cu a tla hlei lo tu kum chungah puai 46 a chuih i goal 46 tiang a khumh kho tu a si rih. Suarez zong puai 50 a chuih i goal 26 tiang a khumh khotu asi. Salah, Mane le Firmino an pathum fonh in tu kum chungah goal 68 tiang an khumh khawh. Cu tikah tutan Barcelona le Liverpool an chuih tikah ho te hmaikal dah goal a khumh deuh la tiah i zuamnak a si te men la tiah mitampi nih an zumh nain Didi Hamann nih cu goal tampi in an goal ding ka zum lo tiah a chim.

 

 

Be the first to comment on "Messi+Saurez Tuai le Salah+Mane+ Farmino Tuai Hodah An Thiam Deuh Timi A Chimtu By Hamann"

Leave a comment

Your email address will not be published.


*