An Thil Tuah Mi Cu Zohchunh Le Cawn Awk Tlak Taktak An Si

An Thil Tuah Mi Cu Zohchunh Le Cawn Awk Tlak Taktak An Si

Tlang a kawng dih cang mi hringdildal tein a um khawh țhannak dingah an tuah mi zoh tikah zohchunh tlak taktak an si.

Khua caan a linh tuk caan ah i dornak a um khawhnak dingah ngaidem hi kan herh taktak mi asi. Thingkung hna i an ngaidem a sunglawi nak cu țhaal caan ah theih khun asi. Thingkung a tam deuhnak paoh cu thli zong a thianghlim i țhaal caan ah um hrimhrim a nuam khun. Ruah a sur ah siseh ni a linh ah siseh thingkung tangah i dor khawh asi. Kan tlang le kan fing a kawng dih cang mi an hrin khawhnak dingah thingkung tampi in cin kan hau cang.

Philippines ah kum 2014 lio ah suimilam pakhat ah thingkung 3 million renglo an rak cin țhan i vawlei cung tuanbia thsr an rak țial. Cu bantuk cawlcanghnak cu ram mi nih thingkung a thar in cin țhan ding ti mi timhtuahnak pakhat in Mindanao hmun ah thingkung an rak cin.

Cu thinkung cin nak ah cozah rianțuan pawl, sianghngakchia pawl le a dangdang an dihlak Philippines  minung 160000 hrawng nih thingkung an cin.

Kum 2011 august thla ah India nih 1.9 million thingkung an rak cin mi cu kum 2014 ah Philippines nih lawnh in tuanbia thar an țial.

Kan Chin ram zoh tikah thingkung a tlawm chin lengmang, thingkung a tlawm tikah a lin chin lengmang, cu pi ah ti hrim a har chin lengmang. Cu bantuk a ruang cu kan fing le kan tlang a kawngh chin lengmang caah asi. Kan fing le kan tlang a kawng mi ah thingkung a thar in cin țhan kho hna usih law kan ni khua zong a dai deuh la i dinti zong kan fawi deuh hnga.

Kan Chin ram khua chung zoh tik hrimhrim ah thingkung a tlawm tuk, thingkung a um mi hnih khat hmanh zohkhenh lo in a hau tuk in kan hau lehlam hna, kan khua chung hrimhrim ah thingkung tampi in kan cin a hau cang, inn khat nih kum khat ah a tlawmbik thingkung pa hra tal kum chiar te cin lengmang hna usih law kum hra a rauh ahcun kan fing le kan tlang le kan khua chung hrim a dai deuh lai. Thingkung tampi in cin dingin thazang chuah hna usih law, kan inn pawngah a um mi thingkung hna zong kilven le zohkhenh cio hna usih.

 

Be the first to comment on "An Thil Tuah Mi Cu Zohchunh Le Cawn Awk Tlak Taktak An Si"

Leave a comment

Your email address will not be published.


*