Mei Kan Hmih Ko Nain Plug Ah Sawhmi Kan Phawi Lo Tikah Electric Mei Ai Hmang Pengmi Thilri Pawl

Mei Kan Hmih Ko Nain Plug Ah Sawhmi Kan Phawi Lo Tikah Electric Mei Ai Hmang Pengmi Thilri Pawl

Electric mei kan hman mi a tlawm ko nain ziah hme mei man kan pekmi a tam ko e tiah na um bal maw? Cu bantuk mei man a tamnak a ruang tampi a um, cheukhat cu mei kan hmih ko nain plug ah kan sawhmi thilri pawl kan phawi lo ruangah mei kan hman mi a tamter ii mei man zong a tamter kho tu electric thilri pawl an rak um caah asi, cu bantuk electric thilri pawl cu a tanglei ah kan van langhter……

  1. Phone Charger (Phone tunnak)

Minung tampi cu phone kan tun tikah phone tunnak hri phawi lo in plug ah kan sawh i kan chiah ta lengmang theu tawn, phone kan tun mi kan phawi hnu zongah a tunnak hri  phawi lo in kan chiah tikah nikhat chungah mei 1.2 W hrawng mei tha a dihter khawh, cu ruangah phone na tun dih hnu ah na tunnak phone hri kha phawi lengmang.

2. TV Tunner

TV channel line pawl kawlnak Digital TV Tuner phit lo in TV lawng kan phih tikah, cu TV Tunner nih nikhat ah mei 22W thazang a dihter khawh. minung tampi nih TV lawng kan phih ah a za tiah kan ruah tawn, asinain TV Tunner kan phih lo tikah mei kan hman mi a tamter tiah kan ruat tawn lo.

3. TV

TV plug phih lo in standby mode in nikhat chung kan chiah tikah electric mei 24W hrawng mei tha a dihter.

4. Computer

Computer, Laptop lawng kan phih i plug kan sawhnak hri phawi lo in nikhat chung kan chiahnak nih mei 96 W a dihter. Cu lawng si lo in standby mode le Sleep Mode kan chiah i plug kan sawhnak kan phawi lo ahcun a letkhat le cheuh in mei tha a dihter.

5. Timer Ai Talmi Inn Chung Thiri

Timer ai tal mi inn chungah kan hman mi thilri Oven.., tbt (changreu rawhnak ah hman mi) plug pawl phawi lo in nikhat chung kan chiah ahcun 108 W hrawng mei tha a dihter. asi khawh ahcun kan hman dih hnu ah plug ah kan sawhmi hri pawl phawi dih i fim ah a tha. mei kan hmih dih ko hman ah electric power a dawk kho tu an si caah mei thazang a laknak hi asi. Cu ruangah inn ah ho hman an um lo si ahcun main in mei hmih dih i plug ah kan sawhmi hri vialte phawi dih ah a tha cem mi asi.

A mah tein mei tha a la mi electric thilri hna kha pakhat tete in tuak ahcun a tam mi asi lo, si hmanh sehlaw electric thilri pakhat le khat ai fonh dih hnu ah siseh, ni le tla a sau deuh tikah ai fonh dih in mei man kan pek tikah kan i ruah lo ning in mei man pek a hau caan a um tawn nak zong hi asi. cu ruangah a cunglei in kan langhter mi electric thilri pawl kha mei na hmih lawng si lo in plug ah na sawhmi hri pawl hrimhrim na phawi a hau, cu bantuk na tuah ahcun tlawmpal tal cu mei man na pek tikah a tlawm lai tiah siaherhnak he kan van langhter…..

Credit – Nyein Zaw Aye

 

Be the first to comment on "Mei Kan Hmih Ko Nain Plug Ah Sawhmi Kan Phawi Lo Tikah Electric Mei Ai Hmang Pengmi Thilri Pawl"

Leave a comment

Your email address will not be published.


*


Secured By miniOrange