Taluk Sifak, India Sifak le Myanmar Sifak Hna Nih Rian An Kawl Tikah An Lungput

Taluk Sifak, India Sifak le Myanmar Sifak Hna Nih Rian An Kawl Tikah An Lungput

Taluk mirum pakhat sin ah a sifak ngaingai mi taluk pakhat a ra i, Mirum pa sinah riantuan ding a hal, “rawl ei awk hmanh ka ngei lo le na sin ah rian pakhat tal na ka tuan ter kho hnga maw?” tiah  mirum pa cu a hal. Mirum pa nih a lehmi cu rian cu a um ko, sinain rian fakpi in nai zuam lai tiah a ti. thla tlawmpal a rauh hnu ah mirum pa nih rian tampi a ser than i, taluk sifak tampi nih mirum pa sin ah rian an rak tuan. nikhat hnu nikhat rian an tuan tikah sifak hna zong an nun ning a tha deuhdeuh ve, asinain rian a rak petu mirum pa kha zeitik hmanh ah an philh kho hrimhrim lo.

India pa mirum pakhat a um i, asin ah sifak taktak mi india pakhat a ra i riantuan ding a rak hal “na sin ah riantuan ding pakhat tal na ka pe kho hnga maw?” tiah a hal. mirum pa nih rian cu a um hmeteh, rian na tuan ahcun rawl ei ding na ngah lai” tiah a ti i sifak pa nih si ko tiah a leh ve. Sifak pa cu a rian ah ai pumpek ngaingai pin ah rian ai zuam, cu tikah mirum pa nih mah pa hi zumh awk tlak asi tiah a rian hruaitu ah a thim.

Rumra ngei taktak mi Myanmar mirum pakhat a um, asin ah myanmar pakhat a ra i “rian ka tuan lo nak kum khat hrawng asi cang, zangfahnak tein rian na ka pe kho hnga maw? tiah a hal” mirum pa nih rian cu a um mi paoh na tuan lai i si ko cu tiah a leh. cu tikah rian a rak haltu pa nih zeizat dah na ka pek lai tiah a hal than. mirum pa nih “zeitin dah kan tuah lai…. nangmah na tuan khawh mi cungah ai hngatchan in kan pek lai” tiah a ti i, rian a haltu pa zong nih a cohlan ve i cucu ka thiam tiah tam nawnpi a chim.

Rian a tuan nithum li hrawng a rauh hnu ah sayaci bantuk in rian a rak haltu pa kha a um cang i, kei mah cu sayaci ka si mah bantuk pawl hna cu ka tuan kho lo tiah a ti cang. ka tuan mi le mirum pa nih a ka pek mi ai tlak lo. mah vial ka tuan mi le a ka pekmi hi ai zatawk si, tu ni cu kei manh lo rian dang ka ngei rih tibantuk bia a tam ngai cang.

Keimah ka um lo ahcun mah rian hi an tuan kho lai lo, mirum pa cu zei hmanh a tuah tung lo keimah lawngte nih pei ka tuah ko cu. keimah…. keimah… ti mi bia tampi karlak ah Kawl mirum pa nih mah bantuk minung cu caan sau a rauh ahcun ka caah tihnung asi tiah a ti i, rian in a dinh ter diam.

Kan har lio le kan tam lio ah a kan dawtu mirum, saya, sayamah, u le nau le sahlawh cingla le inn pa chakthlang hna cungah zeitluk in dah dawhnak kan ngei i, an cungah zeitluk in kan pekchanh hna i an sin ah zeitluk in dah zumhawk kan tlak. a nih nih cuzah a ka pek le mah zak ka tuahpiak ve ahcun a za, a ka pek mi le ka tuah piakmi ai ruang lo tuk ti mi lungput le thinlung kan ngei peng ahcun kan thangcho kho lai lo. ka thiam mi fimnak le a ka pekmi ai keih lo ti mi lungput le thinlung ngeih hi tihnung taktak mi asi pin ah kan thancho nak lam a kan dawnkhan taktak tu asi.

Credit:mmcelesmedia

Be the first to comment on "Taluk Sifak, India Sifak le Myanmar Sifak Hna Nih Rian An Kawl Tikah An Lungput"

Leave a comment

Your email address will not be published.


*