Breaking News: Zohfeltu Committee Nih Manchester City Nih FFP An Buar Mi Kong Biakhiaktu Sin Ah An Pek Chanh Cang

Breaking News: Zohfeltu Committee Nih Manchester City Nih FFP An Buar Mi Kong Biakhiaktu Sin Ah An Pek Chanh Cang

Manchester City nih tangka kong he pehtlai in an hman mi a zohfeltu Club Financial Control Body nih an hmuh mi pawl cu biakhiaktu phu sinah an pek chanh cang tiah phung ning tein fakthanhnak an tuah.

Europe pumpululh a lubik phu nih tuzanlei ah phung ning tein fakthanhnak an tuah mi ah “Club Financial Control Body i zohfeltu a lubik, a dang chungtel hna dihlak he i ceihhmai hnu ah, an hmuh mi pawl a dihlak in biakhiaktu phu sinah an pek cang tiah an ti. Mah zohfelnak an tuah hi 2019 may 7 in an thawk tiah theih asi.

Biakhiahtu phu hna nih phungning tein biakhiahnak an tuah hlan lo paoh cu Europe pumpululh a lubik phu nih zeibantuk hman chim khawh asi rih lo” tiah an langhter.

Cu fakthanhnak he pehtlai in Manchester City nih an dirhmun le an lungput langhternak an tuah ve….

“tu bantuk in thawngpang kan theih cu kan lung a rawk ngai, asinain Club Financial Control Body i zohfeltu bawi Yves Leterme nih a tuahmi cungah zei hmanh khuaruahhar awk a um lo. Nai hrawnghrang thawngpang a chuakmi pawl zong a mah sin in a chuak mi lawng te an si, asinain biakhiaktu phu hna lei nih bia an khiahmi cu Manchester City caah thatnak tampi a phurtu a si hrimhrim lai tiah kan zumh cia mi asi.

Zohfeltu phu hna nih Manchester City i tangka hman nak catlap pawl an pek mi hna cu kan duh lo, a ruang cu biakhiahnak an tuah tikah i hmuh thiam lo nak, hmuh ning i lawh lo nak ti bantuk a um kho in a buai tuk sual lai caah asi” tiah Manchester City lei nih lehnak ca an tuah .

Cu bantuk in zohfelnak an tuahmi ah Manchester City nih nawl an buar ko ti mi an hmuh si ahcun champion league chuih kho lo dingin kum khat dan an tat khawh mi hna si.

Credit: SM

Be the first to comment on "Breaking News: Zohfeltu Committee Nih Manchester City Nih FFP An Buar Mi Kong Biakhiaktu Sin Ah An Pek Chanh Cang"

Leave a comment

Your email address will not be published.


*