Bocho Aung San Hmanthlak A Cuangmi Tangka Kum 2020 Ah Chuah Asi Cang Lai By Baho Vice Chairman 

Kawlram independent ngah dingin bia tak tein ai zuam mi Bocho Aung San hmanthlak a cuangmi tangka cu kum 2020 ah tlamtling tein chuah ding tiah kawlram baho Bank vice chairman U Soe Thein nih a chim.

Naypidaw ah tuah mi kawlram cozah nih kum khat chungah avoi thum nak press conference ah tu bantuk in Baho Bank vice chairman nih a chim hi asi.

“Bocho Aung San a cuangmi tangka hi kan chuah hrimhrim lai, tu hi kan tuah cuahmah lio asi i zei mawzat kan tuah chung zongah tlam a tling ngai, tu kum dih lai cun kan chuah cang lai” tiah a ti.

Bocho Aung San a cuangmi tangka hi hmailei ah hman dingmi tangka a cang khawh nak hnga cozah lei forhfialnak in kum 2018 ah Pyithu hlutdaw ah an rak chuahpi i ceih hmai a rak si, cu hnu ah Bocho Aung San a cuangmi tangka chuah ding ti mi cu cohlan a rak si.

Cu hnu ah cozah i kum khat chung avoi hnih nak press conference lio ah Baho Bank Vice chairman U Soe Thein nih Bocho Aung San a cuangmi tangka hi tu cozah chan ah chuah ding tiah a rak chim.

Cu press conference lio ah Baho bank vice chairman U Soe Thein nig Bocho Aung San a cuangmi tangka kan chuah tikah sipuaizi zeihmanh a hnursuan nak a um lo nak hnga phun hnih in tuah kan i tim tiah a chim chap.

Credit -dvb