Conor McGregor Nih Inn Ngeilo Hna Caah Inn A Sakpiak Hna

Conor McGregor Nih Inn Ngeilo Hna Caah Inn A Sakpiak Hna

UFC thonghnak ah Ultimate Fighting Championship featherweight and lightweight champion hlun Conor McGregor nih a chuahkehnak ram asi mi Ireland, Dublin khua ah inn ngei loin a vakmi hna caah inn a sak piak hna.

 

Kum 30 hrawng asi cang mi UFC thongh thiam Conor hi a ngakchiat lio ah sifak harsa ngai in a țhang lian mi asi i, UFC thonghnak in a minthang hlan ah kutzung thiam nak in a paw a rak i cawm mi asi.

Asinain MMA vawlei ah hlawhtlin nak a hmuh hnu ahcun vawlei cung zanglek țhawng hna lakah a rum mi chungah ai tal cang i, pumpak sipuaizi tampi zong a tuah kho cang mi dirhmun ah a um cang mi asi.

Tu lio cu inn ngei lo chungkhar pa 8 um khawhnak ding caah inn a sak cuahmah lio pi asi nak kong a Instagram in mizapi sin ah langhternak a tuah hna.

“Cikhat te asi ko nain, tu ni zong inn an saknak hmun ah ka va phan kho, tu bantuk in ka tuah mi hi sifak harsanak a zawr khawhnak ding caah asi i, tu kai timh mi hi a hram lawng asi rih”

“Lawlawse cu inn ngei lo chungkhar pa 8 an um khawhnak ding caah sak mi inn zong a dih deng cang, inn khat ah chungkhar in um khawhmi inn design asi i, ihnak khan pathum cio an um dih”

Inn sak lio ah inn ngei lo hna cu Hotel ah a dang tein a um ter chung hna, tu bantuk in hotel ka um ter chung hna lawngah um hmun khuarnak kongah a tlamtling lai tiah a ti.

“Thlichia a hran hnu ah ni a tlang than bantuk asi”

A rauh hlan ah inn an sakmi zong a dih cang lai, inn pa an si cang hna lai, pawngkam a țha mi zong kan ser cio hna lai, cu hnu hna philh khawh lo mi tuanbia zong hmunkhat te ah kan ser ti hna lai tiah a ti.

Hi bantuk ruahnak ka chung a luh poah ah keimah le keimah kai nuam tuk…” tiah Conor McGregor nih langhter nak a tuah.

Conor McGregor nih ai timh mi le a saduhthah zoh tikah upat awk a tlak taktak, UFC ai thongh lai i ai hrocer ning le a muisam zohnak bantuk si loin sifak santlai lo caah khua fakpi in a ruahmi hmuh tikah upat a tlak taktak. Conor nih ai timh mi cungah Hlawh tlinnak tampi hmu hram ko seh…

Credit: SM

Be the first to comment on "Conor McGregor Nih Inn Ngeilo Hna Caah Inn A Sakpiak Hna"

Leave a comment

Your email address will not be published.


*