Korea Lemcang Lee Min Ho Ti Mi Min Zong A Chim Ngam Ti Lo Mi Nyein Taw

Korea Lemcang Lee Min Ho Ti Mi Min Zong A Chim Ngam Ti Lo Mi Nyein Taw

Korea minthang lemcang Lee Min Ho he nan i lo tiah thawngpang a chuak ngaingai mi Kawlram Model Nyein Taw hi minung tampi nih cun nan theih pah cang men lai. Nyein Taw cu Myanmar Celebrity nih ton biahal an tuahnak ah a uar mi Korea lemcang mi zong a chim ngam ti lo nak kong chim phuannak a ngei. Zeiruangah dah a min na chim ngam lo tiah an hal tikah a tanglei bantuk in lehnak a tuah hna….

“Korea video hi ka zoh pap tawn lengmang, inn ah TV in a rat caan ka zoh, a caan caan ah minthang movies series pawl zong ka zoh tawn. Korea video a tawi mi (series a silo mi) hi ka duh deuh i ka zoh deuh tawn.

Tu cu taluk tan (kungfu) ka ngakchiat lio tein ka uar ngaingai mi “Ting Hngat Tu Ye Kaung” (သိမ္းငွက္သူရဲေကာင္း) ka zoh țhan lio si. Korea Movies pawl zong ka zoh pah tawn ko nain nai hrawng cu Korea movies pawl ka zoh ti lo.

Korea Lemcang ah hodah na uarcem tiah an hal mi cu (a nih pah in) ka uar ko hna, ka uar mi an tam ngai, asinain ka uarmi min cu ka chim ti lai lo, soisel le sik hna ka tong sual lai tiah a leh hna. Korea nih an i thlakmi video film hi mi lungthin an lak kho taktak. Duh dawtnak kong hna asi ahcun Pakhat he i ton thulh, a dang pakhat he i ton thulh pungsan asi ii lungthin a cawlcang ter ngai.

Thailand video film pawl zong an thiam ngai, kawlram ah an rak i thlak mi zong an um, tahchunhnak ah “Friend Zone” zong a tha ngaingai” tiah a chim. Pehtlai tein Korea movies siseh, Thailand Video film chungah Romantic ai tal mi pawl ka zoh ah ka feeling ngaingai i an mah bantuk in lemcang zong ka duh ngaingai tiah a chim.

 

Be the first to comment on "Korea Lemcang Lee Min Ho Ti Mi Min Zong A Chim Ngam Ti Lo Mi Nyein Taw"

Leave a comment

Your email address will not be published.


*