Taluk President Xi Jinping A Ngakchia Lio Ah A Pa Nih A Cawnpiak Mi Bia Pathum

Taluk President Xi Jinping A Ngakchia Lio Ah A Pa Nih A Cawnpiak Mi Bia Pathum

Taluk president Xi Jinping hi a ngakchiat lio ah a mah lung lawng ai rinh ngai mi si i, nu le pa nih fale caah thil pakhat khat an cawk piak tik hna ah a thacem mi ai thim lengmang tu asi. cu ruangah ho hmanh nih an komh duh lo mi asi i, hawi zong a ngeih huaha lo mi asi. cu zong cu keimah that lo ruangah si timi ruahnak zong a ngeih lo.

Nikhat cu Xi Jinping a pa nih cawnpiak a duh caah khaohsuai puai 2 in a tuah. khaohsuai puai khat cungah arti pumkhat a chiah i, adang khaohsuai puaikhat cungah arti a tal lo.

Cu tikah a pa nih cu ka fa na duh mi khaohsuai kha i lak law ei tiah a ti. cu tikah Xi Jinping nih arti ai tal mi cu ai lak i a ei. cu lio ah arti hi taluk ram ah a tamtuk rih lo. Arti hi taluk kum thar tibantuk lawngah an rak ei khawh mi asi.

Xi Jinping nih arti ai tal mi a ei tikah cun ai nuam ngai ti si. kei thim mi ka palh bak lo hi tiah a mah le a mah i lunghmuih ngai in a ei.

Lunghmuih ngai in a ei lio ah a pa einak khaohsuai khengah arti pumhnih a um kha a hmuh. ka fa ra hi kei cu ka khaohsuai tangah arti pumhnih a um ko tiah a hei ti. cu tikah Xi Jinping nih khaohsuai kheng kai thim mi ka palh cang ko hi teh tiah a hei ti pah in, ka pa kheng hi rak i thim ning law arti pumhnih ka ei hnga tiah a hei ti.

Cu tikah a pa nih mirh nawn tein a hei zoh i “ka fa na theih dingah kan chim na mit nih a hmuh mi lawng hi a dikmi le a tha mi an si lo, midang cungah caan tha lak lawng te nai timh ahcun sungzatlaknak na ton lengmang lai” tiah Xi Jinping  cu a pa nih a cawnpiak.

A thaizingah a pa nih khaohsuai puai 2 a tuah than. a pa nih na duh mi puaikhat in i thim tiah a ti than. Khaohsuai puaikhat cungah arti pumkhat ai chiah mi le, arti a um lo mi cu a hei hmuh. cu tikah Xi Jinping  nih khaohsuai cungah arti a um lo nak kha a hei i thim i, khaohsuai tangah arti pum hnih a um theu lai tiah a van cawh i a kawl len, cu tikah zei arti hmanh a um lo ti si, a pa cu khaohsuai cungah ai chiah mi arti pumkhat he thaw ngai in a ei ti si.

Cu tikah Xi Jinping  a pa nih a fapa zoh pah in “ka fa na hmuhton mi paoh hi va zum tuk hla, na nunnak ah midang nih an in hleng lengmang lai, hlenthawinak in a khatmi dehdai nak tampi a um. cu tikah nangmah nih na hmuhton mi hna le na fim thiamnak kha fonhtonh law thil hi thim i zuam awk asi” tiah a cawnpiak than.

Nithum nak ni ah voidang bantuk in khaohsuai puai hnih in a tuah than i, voidang bantuk in khaohsuai puaikhat cungah arti ai chiah i, a dang puaikhat cungah arti a um lo. Xi Jinping nih tutan cu ka pa nangmah nih i thim hmasa, nang cu chungkhar ah pa bik zong na si i nangmah i thim hmasa tiah a pa cu a hei ti.

Cu tikah Xi Jinping  a pa nih khaohsuai cungah arti a um mi puaikhat kha ai thim, Xi Jinping ruahnak ahcun a tangmi khaohsuai puaikhat ah hin arti pumkhat hmanh a um lai lo tiah a ruah, asinain ei dingin a van cawh tikah khaohsuai chungah arti pumhnih a rak um kha a hmuh.

Cu tikah a pa nih Xi Jinping cu mirh nawn tein a hei zoh i “ka fa na theih dingah midang cungah thatnak na tuah hmasa si ahcun na cungah an mah nak in a tha deuh mi na ngah lai” tiah a cawnpiak than.

Ka fa Xi Jinping kan cawnpiak nak hi a zungzal in i cinken, mah cawnpiak nak hi sianginn ah an i cawnpiak hna lai lo tiah a hei ti. Cu bantuk hringtu patha a ngeih ruangah Xi Jinping  cu hlawhtlinnak tampi a hmuh i tubantuk in Taluk ram president tiang asi khawh nak hi asi.

Hringtu a pa nih Xi Jinping cinken awk tlak in a cawnpiak mi bia pathum hna cu …….

(1) na mit nih a hmuh mi paohpaoh hi a dik mi le a hman mi asi dih lo, midang cungah caan tha lak nai timh paoh ahcun sungzatlaknak na ton lai.

(2) Na hmuhton mi paohpaoh va zum dih hlah, na nunnak ah dehnak le hlennak na tong lai, hlenthawinak hi a phunphun in a um, cu ruangah nangmah na ngeih mi hmuhtonnak le fimnak kha fonhtonh law thil hi thim i zuam.

(3) Nangmah nih midang cungah thatnak na tuah hmasa asi ahcun, na cungah an mah nak tha deuh thil lian ngan na hmuh lai.

Midang siaherhnak na ngeih si ahcun Share khawh asi…..

credit:Hlaing Minn Latt

Be the first to comment on "Taluk President Xi Jinping A Ngakchia Lio Ah A Pa Nih A Cawnpiak Mi Bia Pathum"

Leave a comment

Your email address will not be published.


*