Ziknawh Eihmurnak A Thuhpiaktu Cunglei Bawi Pawl Dantat Ding

Ziknawh Eihmurnak A Thuhpiaktu Cunglei Bawi Pawl Dantat Ding

Cozah he aa pehtlaimi zung ah tangniam in ( ေအာက္ေျခအဆင့္) rian a tuanmi hna nih ziknawhnak le eihmurnak an ngeih maw ngeihlo zofelnak an tuah ii, tangniam in rian a tuanmi hna nih ziknawh le eihmurnak an ngeihmi a thuhpiaktu cunglei an bawi pawl dantat dingin timhtuahnak kan ngei tiah ziknawh eihmurnak a dohdaltu phu i an hruaitu U Aung Kyi nih a chim.

May 20 ah an tuahmi Pithawngsuh Hlutdaw ( ျပည္ေထာင္စုလႊတ္ေတာ္) tonpumnak ah ziknawh le eihmurnak a dohdaltu phu nih an langhtermi cu hlutdaw kuzalay hna nih an i ceihhmai mi pawl zong fianternak a tuahpah in ziknawh le eihmurnak a dohdaltu i an hruaitu U Aung Kyi nih fianternak a chimchih.

“Kawlram chungah ziknawh le eihmurnak a zawr hlei lo nak a ruang bik pakhat cu Zung hna nih ziknawh le eihmurnak hi (internal Corruption) an chunglei in an zia bantuk ah a can caah asi timi a fiang ngai. Ziknawh le eihmurnak phu zohfeltu hna nih kan hmuh mi ah tanglei in chunglei ah bawmhnak an tuah mi zong a um bantuk in tanglei zongin a hrawkhrol mi zong an um i, kan va chek tik hna ah cunglei an bawi le hna nih cu bantuk ziknawhnak le eihmurnak tangniam rian a tuanmi hna sin ah a um mi kha thil dik tanh in an langhter i dantat ding kha asi, nain a thuhtu in an thuh piak tawn hna kha kan hmuh khawh mi asi.

Cu bantuk in an tuah tikah ziknawh le eihmurnak le hrawkhrolnak hi nunphung bantuk ah ai cang i,  kawlram chungah ziknawh le eihmurnak dohdaltu phu nih kan zohfel hna tikah sualnak a ngeih mi paoh tazacuai lawng in hlawhtlinnak hmuh khawh asi lo bantuk in ziknawh le eihmurnak phu pakhat lawng nih hlawhtling lak in a tuah kho lai lo tiah an hruaitu pa nih a chimchih.

Cu ruangah Upadi lei in siseh, Uknak lei le biaceihnak lei kap hna zong nih siseh, tuanvo a ngei mi kan dihlak tel in le ram mipi kan dihlak lungrual tein kan i bawmh lawngah mah rian hi hlawhtlinnak kan hmuh lai tiah Hlutdaw ah langhternak a tuah.

“Ziknawh le eihmurnak dohdal dingin tuanvo kan lak tikah zeitluk hmanh in har hmanh sehlaw, asi khawhnak lam kawl in kan dihlak i zuam in Ziknawh le eihmurnak dohdalnak rian hi lungtho te le pehtlai tein hmailei ah thazang thawng ngai in tuan rih ko hna usih” tiah Ziknawh le Eihmurnak dohdaltu phu i an hruaitu U Aung Kyi nih a lung a chim.

Ref: DVB

Be the first to comment on "Ziknawh Eihmurnak A Thuhpiaktu Cunglei Bawi Pawl Dantat Ding"

Leave a comment

Your email address will not be published.


*


Secured By miniOrange