Ngakchia An Rak Chia Mi Paoh Cawm Dih Ding an Fawi Lo By Khine Hni Wai 

Ngakchia An Rak Chia Mi Paoh Cawm Dih Ding an Fawi Lo By Khine Hni Wai

Kawlram lemcang Khine Hni Wai hi sifak santlai lo bawmh lei ah minung tampi nih theih ngaingai mi asi. a hlei in ngakchia tlaihhrem a tong mi hna i an fale le single mother hna hi fakpi in a bawmchan tu asi. A nih hi miharsa bawmhchan nak lei ah cun a kut a rang taktak mi Nusal Tha Pakhat asi.

Cu bantuk in Khine Hni Wai sin ah ngakchia cawm dingin a rak petu an tam ngaingai, cu tikah Khine hni wai nih ngakchia an rak chiah mi paohpoah cawm dingah ka si kho lo tiah a ti. Harnak tampi ruangah ngakchia a zohkhenh kho lo mi single Mother he ai pehtlai mi ngakchia tlaihhrem a tongmi hna i an fa pawl lawng ka cawmken hna lai tiah a ti.

Khine Hni Wai sin ah ngakchia cawmken dingin a rak pe mi an tamtuk tikah, khin hni wai nih an rak ka pekmi ngakchia paohpaoh cawmken dingah asi kho lo tiah a ti nak hi asi, cu ruangah an rak chia mi ngakchia hna i an sining le an dirhmun kha zoh ding i rikhiah in cawmken ding tiah a chim.

 

“Tu Ka sin ah ngakchia an tam ngaingai cang, ngakchia cawmken dingin ka cohlan mi thawngpang an theih cio tikah, ka sin ah nichiar ngakchia an rak chiah. Keimah zong pumpak pakhat te lawngin a dir mi ka si tikah an rak chiahmi ngakchia paohpaoh cohlan ding hi a fawi ve lo” tiah Khine Hni Wai nih a ti.

Cu tikah Khine Hni Wai nih a chim mi cu single Mother pawl le ngakchia tlaihhrem a tong mi hna an fale lawng cohlan i cawmken ding kai tim rih tiah a ti. ngakchia hna an nunnak ah ngaktah timi lungput an ngeih lo nak ding zong a chimchih.

“Keimah Khine Hni Wai sin ah harnak tampi a ngeih mi hna le pawngkam minung nih cu bantuk harnak an ngeihmi theihter a duh lo mi, ngakchia kha zeitin hmanh in zohkhen awk a tha lo mi single mother pawl le ngakchia tlaihhrem a tong mi hna i an fale lawng cawmken dingin ka cohlan, hringtu nu le pa an um ko nain an fale ka sin ah an rak chiahmi hna cu ka cawmken kho hna lo. Inn ah kan fale kan cawm kho ti hna lo timi ruang hna ii ngakchia kha ngaktah bantuk in chiah kha ka duh lo.

Chungkhar ah ngakchia an tam tuk ruangah kan cawm kho hna lo ti in an rak chiah mi zong an um, cu bantuk in ngakchia an chiah tik hna ah an nun chung lileng le lungder in an um nak cha cu hringtu nu le pa sin ah tirawl ei ding kawl bu in an um mi kha an caah nuamhnak asi deuh lai tiah ka ruah mi asi” tiah May 21 chung suimilam 12 ah a facebook ca a tialmi a tar.

Ngakchia tampi ka cawmken kho rih hna lo ka tinak a ruangcu Keimah Khine Hni Wai nih ngaktah a rak phan mi ngakchia hna caah zohkhentu sii sayama (nurse) ka chiah kho rih caah asi. tu bantuk in ngakchia in upa tiang zohkhen ding kai timh tikah bawmchantu fek tein ka ngei rih lo caah tubantuk in rikhiah in ka cohlan tik hna ah ka lung zong a tha lo, a tu cu ngakchia zohkhennak dingah a herhmi  thilri, ei ding, zohkhentu nurse ka chiah kho rih lo caah minung tampi cohlan lo in rikhiah in ka lak nak hi asi.

Zumh ngamnak in a lamkip in a ka bawmchantu nan dihlak cungah kei lawmtuk, NGAKCHIA HNA I AN NU KHINE HNI WAI tiah pehtlai in a tial.

Credit Duwun

Be the first to comment on "Ngakchia An Rak Chia Mi Paoh Cawm Dih Ding an Fawi Lo By Khine Hni Wai "

Leave a comment

Your email address will not be published.


*