Hringtu Nu le Pa nih Dawtnak Zeitluk In Dah A Sunglawi Ti Mi Capar Tawi

Hringtu Nu le Pa nih Dawtnak Zeitluk In Dah A Sunglawi Ti Mi Capar Tawi

#Midang nih rel ve hna seh tiah siaherhnak he SHARE in kan Bawm

kum 2012……..

Si ahcun…. nangmah nih chim ko

Kan nu…. kan fapa nupi ding hi ai dawh taktak  pei si hi’ an nih hi mirum le mi ngei zong an si ii, kan nih lei zong nih tha deuh tein timhtuahnak kan ngeih a hau hi. cu lo cun kan fapa upabik zong asi fawn ii, a mit hmai hna a bi tuk sual lai’…… Cu ruangah kan um nak inn hmun….. kan pi kan pu nih an rak ngeih mi hmun hi kan mah um nak caah cun a kaupi ko ii pe 40 pe 20 hrawng in kan zuar lai ii kan fapa thitumhnak puai caah kan hman ah a tha lo maw kan nu..

Cu ti ka tuah ahcun kan fapa zong ai lunghmuih tuk lai….”nang hi kei cu chim zong ka hau lo cu… na fapa caah na ti ahcun keimah zuar hmanh na ngamh lai dah ka ti, nangmah nih a tha na ti mi paoh kha a tha dih mi si ko kan pa’

Cu ti cun hringtu nu le pa nih pipu chan in an rak ngeihmi hmunhma cu an zuar ii an fapa nupi thitnak ah an hman.

kum 2014, kum hnih a rauh hnu ah

1. Hello….. ka fapa… na pa kan si… tu lio hi kan har ngai tangka hman ding zong kan ngeih ti lo, tangka tlawmpal tel nan kan then kho hnga maw ka fa….”Aaaa… ka pa le hi cu eee” kan hnu thla ah tangka tingkhat kan kuat cang hna si lo maw’…… aw na kan kuat ko ka fa….. na kan kuatmi kha sii cawknak ah ka hman i a dih ko a dang zei hmanh cawk ngam lo in sii ai cawknak ah ka hman i a dih…. ka fa na nu a thih hnu cun kei zong hi ka ciangkuang lo ngai cang ee ka fapa awww…

2. “Aw ka fapa le inn chungkhar maw….. khawika in dah nan rat…..

“pin lei ah rian herh pakhat kan ngei ii kan kal pah ah kan van pial pah le si ka pa’…….

cu si ahcun vanthat si, chim ding bia kan ngeih, phone kan chawnh hna la ii kan chim hna lai ka ti ah nan rak phak cu vanthat tuk si ka fa… ka fa na pa kan mitbenh a tha ti lo, kei benh tikah fiang tein khua zong ka hmu kho ti lo…. mitbent power tam deuh in tuah a hau le maw si hnga ka theih lo…. ka fa na tlam a tlin si ahcun na pa hi mit siibawi sinah ka mit hi hmuhsaknak va tuah usih law mitbent zong ka thlen piak law ka duh ko ka fa….

Ka Pa hi cu aww…. na mitbenh a tha tuk rih ko hme hi… ka pa tu lio cu kai manh lo tu…..

na tupa nih changreu cawk ka hauh tuk ti le ka va cawkpiak ta la, ka pa kei manh deuh tikah ka ra than te lai aw……

 

3. Ka fapa….na pa hi ka dam lo chin lengmang cang, kan um khua zong a nuam lo, ka thaa hi a dih lengmang fawn, cu tikah ka fa nan inn ah um ve ning law, ka tu le mithmai ka hmuh hna thawng hmanh hin ka zawtnak tlawmpal cu a dam deuh ko lai”….Aaaa ka pa mah ti cun a si kho lai lo..

ka nupi nih inn ah tar um a duh lo, cu ruangah hringtu a nu le pa hmanh a auh hna lo nak hi asi. cu tikah ka pa zeiti hmanh in asi kho lai lo, ra ka theihthiam piak ko mu ka pa…

Kum 2015 a phak tikah

Minung nih kan cin mi theihpar kan ei lo hmanh ah, cu kan cin mi thladen tangah dor duhnak kan ngeihmi cu kokek nih a chuahpi mi asi ko ka fa…

Ka fa nangmah caah thilrit si ding ka duh lo caah, keimah tein biakhiahnak ka tuah ii tar zohkhenhnak ah um dingin timhtuahnak ka ngei, ka fa…. a nuam mi le aa dawtmi inn chungkar si hram ko uh tiah na pa nih thlaza kan cam piak hna.

Kum 2016 ah tar zohkhennak inn pakhat ah a um mi ihkhun number 13 chungah Tarpa pakhat a mit cungin ai dilmi mitthli a dor dor in a tlami cu careltu hna nih nan mitthlam in nan hmuh khawh theu lai. Mah Tarpa nih zeidah a ruah ii, zeiruangah a tah hnga timi zong careltu nih fiang tein nan theih theu lai…..

Hringtu nu le pa cu kan ngakchia lio kan chuahka in zeihmanh kan theih lo lio ah kan zuun ek a kan fim dihtu an si, kan upa deuh tikah kan nunnak nih a herhmi ei ding ti rawl, fim cawnnak le adangdang thlanhriput in a kan kawlpiak tuk an si.

Hringtu nu le pa an tar hnu ah zeihmanh an tuan kho lo tikah fale nih tha tein zohkhen le dawt ding hi kan rian asi ve. Hringtu nu le pa nih kan ngakchia lio a kan zohkhen bantuk in fale zong nih hringtu nu le pa an tar tikah ngakchia bantuk in kan zohkhen ve hna ding hi kan rian asi.

hringtu nu le pa nih kan chuahka in kan than lianh pi tiang a kan zohkhen ve bantuk in….Fale nih hringtu nu le pa an tar tikah kan ngakchia lio a kan zohkhen bantuk in zohkhen ve ding hi kan rian asi.

Photos source: Google

Be the first to comment on "Hringtu Nu le Pa nih Dawtnak Zeitluk In Dah A Sunglawi Ti Mi Capar Tawi"

Leave a comment

Your email address will not be published.


*