Hringtu Nu Le Pa Nih Fak Ngai In Thircincik In An Hren Mi Ngakhchia Pa Palik Nih An Chan Khawh

Hringtu Nu Le Pa Nih Fak Ngai In Thircincik In An Hren Mi Ngakhchia Pa Palik Nih An Chan Khawh

Kum 6 te lawng asi rih mi ngakchia pakhat cu hringtu a nu le a pa nih fak ngai in thircincik in an tem i an hren, cu ngakchia pa thircincik in an hren mi cu Palik nih an chanhchuah khawh cang tiah theih asi. Cu bantuk in ngakchia thircincik in a hrentu hringtu pa cu hramhram in chungkhar ah hremnak a tuah ti mi le ngakchia tuukfelh hremnak in case tuahpiak asi.

Tu bantuk in thil a cang mi cu Ukraine ram ah a cang mi asi. Ngakchia kha a hnawmh ngaingai nak tuangah an umter, cu pin ah chun ni tlak thircincik in an tem i an hren mi hmuh tikah ngakchia ii a muisam zoh nak in a thinlung rawh ngai dawh asi. tu bantuk in hringtu nu le pa nih an fa thircincik in an hrennak a ruang an chim mi cu a sualtuk caah tu bantuk in kan hren nak hi asi tiah an ti.

Asinain ngakchia pakhat kha a nunzia a thatnak ding le a fel khawhnak dingah chim cawnpiak lo in tubantuk in an fapa an tuahto mi nih  a chuahpi mi ngakchia thinlung ah zeibantuk dah a si kho ti mi hringtu a nu le pa nih an hngal lo. ngakchia i a min cu upadi nih langhter lo dingin a kham caah a min an langhter lo.

Mah ngakchia i a pa hi kum 37 asi i, hringtu a nu cu kum 27 asi. Palik nih ngakchia pa thlah dingin tawngta hal in an hal tik hna ah hringtu a nu nih a fim mi tawh cu a pek hna in ngakchia pa ai tem mi thircincik cu an poih, hringtu a pa cu thawnglatu hna nih bia an hal tikah “tu bantuk in kan tuah lo asi ahcun thilri vialte a hrawh dih….cu pin ah chim a khawl tuk” tiah a ti hna.

Ngakchia a nu le pa nih hi hnu cu tubantuk in kan tuah ti lai lo tiah biakam nak an tuah. ngakchia pa cu kum 6 a tling cang ko nain sianginn a kai maw kai lo timi an langhter lo.

 

Credit:D Khit Media

Be the first to comment on "Hringtu Nu Le Pa Nih Fak Ngai In Thircincik In An Hren Mi Ngakhchia Pa Palik Nih An Chan Khawh"

Leave a comment

Your email address will not be published.


*