Keimah le keimah ka khamh kho lo, Zuu, rithai sii, nu tha lo vialte hi Ka Pathian nih aka phiat ter tin Naw Naw nih Pathian dawtnak achim mi

Caankhat lioah mipi lungthin arak la tuk tu hlasak thiam minthang Naw Naw nih Pathian khamhnak aco hnuah ahlan sining le  Pathian zeitindah arak zumh ning cu hitihin achim .

Kan biakmi Pathian hi nu maw si , pa maw si ti zong karak i fiang lo ,sualnak hi aphunkip ka tuah , adongh tiang ka tuah dih hna tin achim .

Ahlan tein khrihfa cu ka si ko, asinain Pathian hi zei asi i Jesuh hi nu maw si ,pa tihmanh ka rak i fiang lo .

Nupi ngeih kongah achim mi ” ka caah nu hi an har lo , an tampi ko , asinain nupi hi an har tuk ,, Pathian pekmi lawng hi atha , Pathian sinah hal angah mi asi , zeiruangtiahcun minung nakin asi kho chin mi cu Pathian lawng asi ,

Cu hnu cun Pathian hi tlawmpal cu ka bochan cang ,aruang cu fiang tein chim ahcun Khrihfa ka si ko nain ka zum lo , Biakinn kan tin in zuu kan ding, biakinn ttin pahin sualnak phun phun kan tuah , achiakha bik tiangin kan tuah dih .

Fiang tein chim ahcun keimah khamh kho tu ding Pathian cu ka zumh lai ,amiak ka tim lo , ka biakmi Pathian nih aka tuah piak khawh ahcun  tin ka hngak, atu bantukin ka thutdir khawh hi keimah that ruangah asi lo , Ka biak mi Jesuh Bawipa ruangah asi ,biaknak he zong apehtlai lo , ka sining ka chim ”

Jesuh Khrih nih zu zong aka phiat ter ,rithai sii zong aka phiat ter , thurhnawm video zoh zong aka phiat ter ,  azuar mi nu sin kal zong aka phiat ter , dawtnak ngeih lo ding zong aka phiat ter , Cucaah hitiangin ka dir khawh asi “tin achim .

Pathian nih aka khamh tak ko , harnak tampi karak tong ko , hohmanh nih an ka khamh lo , ka thinhung lo . Keimah palh si , ka tuah mi cungah ka ing ngam ko lai tin ka ruah cia mi asi , ka rak thei lo cuh , hitin ka cang telai ti hi ka rak  i ruat lo . Rak thei cia sihlaw hodah atuah ngam lai , zuu din cu atha lo kan theih nain kan din , sii tongh atha lo kan theih nain  kan hmang , asinain ka tuah dih ko ,fiang tein atu zong tuah ka duh rih ko , asinain acang hnga dingmi ka theih cang .

Cu bantuk cun kan thih tikah hell mei ka kal ding cu kan i theih ko, chim hau lo asi .

Fiang tein chim cun hell mei kal ka duh lo , asinain hell mei in luatnak aka petu cu keimah ruangah siloin  Ka Pathian dawtnak in asi , Keimah khamhtu ka herh , hohmah ka herh lo , aka khamh khotu lawng ka duh .

Keimah le keimah zong ka khamh kho lo caah atubantukin Pathian hi ka bochan asi tin “Naw Naw nih achim .

 

Be the first to comment on "Keimah le keimah ka khamh kho lo, Zuu, rithai sii, nu tha lo vialte hi Ka Pathian nih aka phiat ter tin Naw Naw nih Pathian dawtnak achim mi"

Leave a comment

Your email address will not be published.


*