A nu nih a pek mi pocket money (or) biakam nak ( minute 3 te a caan rak pe law rak rel ve hmanh ! mitthli a hai ko )

Nu le nih an kan dawtnak hi a sang tuk cio . Ho poh na nu dawtnak ti hal siahcun chim ah a dong ding a si lai lo . A tu mah tuanbia zong nih a nu nih a fa cung ah a sining leng in a dawtnak kong kha a tawinak tein langh ter ka duh .

Nu fa an um , a nu cu anhringso a zuar mi a si . Voikhat cu a fapa nih ka nu tuzarh cu ka hawi le he kan i tong lai kan ti , keimah nih dangh ding a si tiin a ti . A nu nih cun aw ..aw kan kawl piak ko lai ka fapa tiin a leh . A nu aw a theih cun a fapa cu a hna ngam  ngai ko .

Sianginn khar caan ahcun a fapa nih khah ka nu tangka cu ka pe cang law . Ka hawi le nih an ka sawm cang hih . Mi kan tam pah lai i  thong (7) hrawng in ka then ko tiin a ti . A nu cu a hmai cu a tha ruam ti lo . Asinain a hawi le he an chim cang mi a si tikah bia kam let kha  a fapa nih a duh ve ti lo . Cu hnu ahcun a nu nih cun plastic chung te ah a khon mi kyat 100, 200 , 500 le 1000 pawl kha  a van chuah i thong khat ca pa nga le 500 ca pa li kha a pek ko . A fapa cu a nuam tuk i a hawi le sin ahcun a tli chih , a hawi le nih cun na biakam cu na tlinh bak ko hih tin an fak len , a fapa nihcun biakamtloh ka duh lo tiin a cua len ko . Khan lakphak dawr ahkhan biasawng an tlorh hnu ah zaan lei sang ahcun inn ah a tin .

Inn a tin tikcu a nu cu a mithmai a tha ti lo kha a hmuh . Rawl a ka pek i ka nu kut cu a thir in a thir ko . A fapa nih ka nu na  dam lo maw tiin a hal , ka dam ko na pi ka ngai pah i si tiin a chim ter . Rawl ei hnu ah a fapa nih an inn pawng nu kha thil sining a va hal tikah a fapa cu ihnak ah a lawng ko , a thal a let , umtu awk a hngal lo . A nu mithmai te kha a cuang peng . A nu a mah te lawng kual nawn tein a ih kha  a fapa nih a bih , a nu kha a tar deuh kha a hmuh .

A fapa nih ka nu anhringso zuar bu tein siang inn a kan chiah , inn pawng nu nih a chimh mi cu tangkaa a coih tu Daw Shwe  timi nu nih tangkaa karh kha a rak cawh i , na nu nihkhan a tling in a pek khawh lo caah , biakam tling lomi nu , mi zei rua ram lo nu tiin  bia fak fak in a ti i um awk hngal loin na nu cu a um ko tiin a chimh mi kha a lung ah a cam peng .

A fapa nih ” aw… keimah ka hawi le hmai i mithmai bit ter duh lo ruang ahmaw nangmah tu bia fak na in, na fapa nih ka theih cang … ka fiang cang … na fapa ka ngaithiam ko … nu le pa cu fa le caah ningzah le zeizong kan ton ding hi a kan cover piak tu an si ” tiin  ngaihchia ngai in a chim .
Credit ကဗ်ာရွင္

Be the first to comment on "A nu nih a pek mi pocket money (or) biakam nak ( minute 3 te a caan rak pe law rak rel ve hmanh ! mitthli a hai ko )"

Leave a comment

Your email address will not be published.


*