Bawm kan unau hna cu tuchun ah Thantlang in Tikir ah an kal i dam te in Tikir khua an phan cang….video..

Bawm kan unau hna cu tuchun ah Thantlang in Tikir ah an kal i dam te in Tikir khua an phan cang….video..

 

14.11.2019 zaan lai ah Thantlang an rak phan i Thantlang Baptist Churh nih an rak don hna i tu zing ah Tikir lei an kal  i dam te in an phan kho…

An tar cem pa hi Thantlang peng Hriphi nelrawn Phai pi nel ah a rak chuak mi asi i a mah hi a tar ngaingai cang mi asi..

 

An rak tlun nak kong le an sining kong an chim tik ah zaangfak tuk an si, an si ning le an kong lam cu hi ti hin asi…

Bawm hi kan thawh keh nak cu Thantlang peng Lungzarh khua in asi i kan pem lengmang tik ah a ken kip lo ah kan i then dih hna i a tu Paletwa hrawng i aum mi hi cu kan tlawm ngai ko , Miza khua ah hin inn dawng 30 reng lo kan um i a tu hi zat ceo uak kan rak pok kho ,a tang mi kan hawi le cu an rian ,facang, Chi tibantuk pawl kan cing hna i mah kha kha an hngilh nganh pah i mah an tuan dih in cun kan rak pok ve ko lai tiah an ti tiah an chim hi asi..

A tu tan an rak tlun nak ah a cozah lei in an tawl rel ngai hna i kan PM zong a rak tlung kho , TBC ah bia chim nak te te zong an nei kho hna …

Cun an mah hi Satil a zua ngai mi an si i innkhat ah Sia hi 50 hrawng a zua mi cio an si hna.. cun a tu an mah lak ah hin Nau pawi lio mi nu pakhat a um i a thla a tling dengmang cang mi zong a um , cu tik ah upa pawl nih nang cu um rih law nau na neih hnu in teh na kal te ko tiah an ti ko nain a poi loh a ti i cu ti cun akal chih,  kan nih lei cu nau kan neih zong ah hin kan mah te in kan i fim hlawm kho ko tiah a chim hi asi.. nu pa khat nih fa hi pahra hna an nei ….

Mah ti hin Thantlang Baptist Church nih tawl rel nak in Ih phah, Puan , le adang dang thil tam pi zong pek nak an nei kho hna..pe tu co hlang tu Pathian nih thlua chuah ko hna seh…

Miza khua in an rak hon nak kong ah …… ” kan rat nak hi a har ngai ko, minung ke neh a um lo nak bak in kan ra, a ruang cu Bomb an tarh tuk tik ah kan i lamh sual lai ti zong kan phan pin ah an mah AA ral kap zong cu kan ttih fawn hna , i lung pang lak le hling lak ah kan ra i kan cei ngai ngai ko tiah ” an chim hi asi..

An mah lak ah pa pakhat cu a Ke ah thlalang nih a sawh i fak ngai in ai hliam ko nain a pa sal bak , zoh ah hin khua ruah an tam ngaingai ko, cun kan mah Lai holh te in an holh ve tik ah kan thin lung chung ah tlaih chan nak zong a um deuh ko (minung si nak ah)…

 

Pathian nih thlua chuah hna seh law hnangam nak lung daih nak pe ko hna seh..

 

ref; saya Hre facebook

 

 

 

yuuy

Be the first to comment on "Bawm kan unau hna cu tuchun ah Thantlang in Tikir ah an kal i dam te in Tikir khua an phan cang….video.."

Leave a comment

Your email address will not be published.


*


Secured By miniOrange