Tutiangah China Virus in a thi mi hi 259 an phan cang; an tam chin lengmang

1 february  2020

China Virus (Corona) cu nikhat hnu nikhat in a karh chin lengmang i; vawlei ngamdamnak buu nih ralrin peknak thawng zong an thanh cang. Rusia le Singapore zong nih China he aa pehtlai mi Airline cu an phih chung cang. A luancia zarh 2 ah China a phanmi paoh America ah lut lo dingin America nih a phih ve.

 

Tuni tiangah China Virus in a thi mi hi 259an si cang i; a zaw mi hi 11,791 an si. Nikhat hnu nikhat in a thi mi le a zaw mi an tam chin lengmang!

 

Vawlei cung ngamdamnak buu nih ralrinpeknak an chimmi cu;

 

“Corona Virus hi China ram lawngah asi ti loh; vawlei cung ramkip ah a chuak kho dingmi asi cang caah Cozah nih ngamdamnak he pehtlaiin an chimmi vialte zulh khawh i zuam ding asi” tiin ralrin peknak thawng an thanh.

China Virus kongah vawlei cung ngamdamnak buu (WHO) nih a voikhatnak bik ralrin peknak an chim hi asi. China ram lawng si ti loin vawlei cung ramkip a phan kho dingmi asi tiin thawngthanh cang.

China telh loin Japan, Thailand, HongKong le Singapore ah mizaw an tam bik. Nain, a thi mi taktak cu an um rih hna loh.

 

Pathian dawtnak in Myanmar ah Virus cu a rak phan rih loh! Pehtlaiin thlacam cio hna usih! Lunghrinhmi pathhum belte an um cang.

 

 

 

 

 

 

 

Secured By miniOrange