Bayern Munich President nih Ronaldo an cawk duh lonak ruang a phuan

Kum 35 asi cangmi Juventus hmaikal Ronaldo cu Bayern Munich nih an cawk duh lonak ruang cu President Herbert Hainer nih a phuan.

 

 

Juventus nih Ronaldo an rak cawk hlan ah Bayern Munich nih cawk khawhnak lam an rak ngei ko nain an rak caw loh. Bayern Munich nih Ronaldo an rak cawk duh lonak ruang cu President Herbert Hainer nih a van phuan.

“Vawlei cung bawlung celh thiam minthang tampi he pehtlaihnak kan ngei ko. Nain, Ronaldo he cun kan ngei loh. Ronaldo hi a upat tuk cang caah kan cawk duh lonak asi” tiah President Herbert Hainer nih a chim.

 

 

 

 

Ronaldo cu kum 35 a tling cang nain Juventus caah Goal 50 a goal piak cang hna. Kum 2020 chungah puai 6 aa celh i; Goal 10 a ngeimi asi. Ronaldo hi kum 2020 chungah Goal tambik a ngeimi zong asi.

Ronaldo hi a kum upa ko nain pehtlaiin puai 10 chungah Goal a khumh kho pengmi zong asi. A kum upat ruangah Bayern Munich nih an cawk duh lomi cu an i ngeihchih ngai men lai dah!

 

 

 

 

Secured By miniOrange