Breaking News; 2008 Phunghrampi remh lo dingin ralkap nih teinak an hmuh dih!

10 March 2020

 

Tuni ah 2008 Phunghrampi remhnak Pyidanungsu Hluttaw meeting an tuah i; ralkap nih teinak an hmuh dih. Vote pe kho dingmi hi 654 an si i; tuni Hluttaw a kai kho mi hi 633 lawng an si. MP 21 cu an kai kho hna loh.

 


2008 Phunghrampi 436 (a) ah 75% cung hnatlaknak ngeih khawh lawngah Phunghrampi hi remh khawh asi lai tiin aum. Vote 491 hmuh khawh lawngah phunghrampi hi remh khawh ding asi. Nain, 75% (491) cung Vote a chuah khawh lo caah 2008 Phunghrampi hi remh lo dingin ralkap nih teinak an hmuh.

 

Ralkap nih teinak an hmuhmi Section hna cheukhat hna cu;

” A ra lai mi Hluttaw kipah ralkap hi 25% tluk um lo dingin NLD nih aa zuam nain a ngah loh. 25% um dingin ralkap nih teinak an hmuh.”

“Emergency thil a chuah tikah President nih tuanvo lak dingin NLD nih aa zuam nain ralkap ( Senior General) nih tuanvo¬† lak awk asi” tiin ralkap nih teinak an hmuh.

2008 Phunghrampi remhnak ah ralkap pawl tlak dingin NLD nih aa zuam nain pakhat hmanh a ngah loh. A dih lak in ralkap nih teinak a hmuh dih. 75% cung hnatlaknak a chuah khawh lo caah ralkap nih teinak an hmuh dih hi asi.

 

 

Be the first to comment on "Breaking News; 2008 Phunghrampi remh lo dingin ralkap nih teinak an hmuh dih!"

Leave a comment

Your email address will not be published.


*


Secured By miniOrange