Daniele Rugani Virus ngeih hnu ah Ronaldo cu Juventus ah a kir duh ti loh!

Juventus hnukham Daniele Rugani cu Coronavirus a ngei cang tiin Juventus nih phung ning tein thawng a thanh hnu ah Ronaldo cu Juventusa ah a kir duh ti loh. Europe player hna lakah Daniele Rugani hi Virus a ngei hmasa bikmi player asi.

 

 


Ronaldo hi Portugal ah aum lio asi i; Juventus hnukham Daniele Rugani virus ngeih hnuah Ronaldo cu Juventus ah a kir duh ti loh tiin Daily Mail nih a langter. ” Juventus ah ka rak kir rih lai loh; ngandam tein ka um ko” tiin Ronaldo hi Twitter in a ngandamnak zong a langhter.

 

Italy ah Virus ngeimi hi 12462 an si cang i; a thi cangmi hi 1045 an si. Vawlei cungah Virus ngeimi a tam bikmi China asi i; Italy hi pahnihnak asi.

Juventus hnukham Daniele Rugani cu Virus hrik a ngeih cang caah Juventus player pawl cu hmundang tein chiah ding an si. Zarh 2 chung anmah te lawng hmundang ah chiah ding an si hna. Juventus player chungah Ronaldo le Ramsey hi Virus hrik an ngei kho men tiah lunghrinhmi an si.

 

 

Hmaizarh ah Juventus le Lyon cu Champion League leg 2 nak aa celh dingan si nain Juventus player pawl Virus hrik an ngei kho men tiin an lunghrinh hna caah an puai Champion league zong thawnh khawh asi. Serie A zuamnak cu April 3 tiang chuih lo dingin Cozah nih nawl a chuah cang.

Daily Mail

Be the first to comment on "Daniele Rugani Virus ngeih hnu ah Ronaldo cu Juventus ah a kir duh ti loh!"

Leave a comment

Your email address will not be published.


*


Secured By miniOrange