“Hi sualnak hi ka tuah lo “tibak in Min Yar Za nih a el peng hna… achung sining tak cu …

“Acid in toih,tlaihhrem timi hi “asi lo tin June 4 ah Min Yar Za nih media sinah achim . Asining tak theih duh mi caah ….

Hikong ahhin dantatnak tha te aum lo ahcun hngakchia nu caah ral aum lawng siloin kawlram nu nau caah himnak aum ti lo ti tiang in chuah asi .

An nuva in acid in an toih hlan ah an velh, an chuih an lamh hnu ah motor in an kalpi . Motor cung zongah  an nu nih ahmai ah athongh , Min Yar Za cu anupi nih afial i ahmai ah athongh ter ,hi kong cu hngakchia nu nih achim pah ah amitthli aluang .

A nupi cu khual tlawng ding asi caah rau dingin achim . Hngakchia he rak um uhlaw pakhatkhat thawngpang ka theih rih cun na thi tin aka ti tak .  Ni 5 hnu ah arak tlung i tuah ding kan ngei tin an ka auh ,U Rakhine pa zong atel . Ti kholhnak khaan ah kan ka kal pi . Ka bawngbi an ka phoih ter ka duh lo buin an ka phoih ter hnu ah  Min Ya Za nih acid in voihnih aka toih . Ka sual tuk nakah ka paw , nu sinak le dang zong athak dih .

A voihnihnak cu inn ah kan in chiah lai an ti i ka zulh hna, mizeihmanh um lonak ah an ka kalpi . nam in an ka ah , cu ahcun U Rakhine nih aka tlaih . Ka sualnak ah ka paw zong an ah chih . cu hnu ah  acid in an nu nih aka toih ,ka thi achuak tuk ,ka tap tuk ..hi kong na chim ahcun kan in thah lai ,mithah cu Rakhine cu kan zeihmanh poi lo tin aka tlerhkhawnh .

Siikhan kip ka kal nain ahmuh he asai caah an ka thlop lo . Ahma damnak fah daihnak sii an ka chunh . cun hma sii an ka thuh . “Doctor nih na hma hi hmanthlak angah maw tin ahal hnu ah
athlak.

Kum caan saupi chung inn chungah hremnak le tlaihhremnak ,tlerhkhawnh nak in atuar mi minu nih aton mi kong achim ahhin amitthli hi aluang thluahmah . Pumsa lawng siloin lungthin tiangin arawk dih .

Minu anu nih caantha ngei ning law an nuva in Min Ya Za pa thilri in mei khangh i an nu hi thih khawh loin acid in ka toih ve lai tin thinhung lung tukin achim .  Hi kong hi minu interview tuahnak in achimmi asi .

Hitluk in hremnak aing mi minu caah Min Ya Za nuva dantatnak aum lo ahcun kawlram ahcun phunglam aum lo ti tluk asi lai .  Min Ya Za nih cun a el lengmang ,asinain an sining achungtak thei mi tette zulhin an kal cuahmah lio asi .

Secured By miniOrange