A pum aphir mi nu hna cu sianginn cachim pa nih nupi ah athit hna ,an sining achim mi …

Ganga le Jamuna Mondal cu an pum aphir , an pawpi ahrawm mi an si i an lung cu adang tein a ngei mi pum phir an si . A lungthin adang tein an um nain an duh mi akhat .

Maimomh unau tin mipi nih theih ngai mi an si ,kum 45 an si cang an pum sining ruang ah mipi sin in phen hai an tong ngai .

Asinain atu ahcun an duh mi te an i hmuh i lungtling tein nun caan an hmang kho cang . Sianginn cachim Jasimuddin Ahman  he an i ton hnu cun nuamhnak in an khat .

“Hmuh ka bakin aduh mi an si “tin Ganga nih achim . Jasimuddin he kan i ton in hi pa nihhin kanmah hi akan dawt lai ti kan theih .

A lungthin atha tuk tin achim .Bangla , Culcutta pawngkam sifak chungkhar in achuak mi an si . Fimnak catang an ngeih lo nain  khuakip kal in sarcus an piah i tangkaa an hmuh .

Zaankhat ah pong 25 in tangkaa kawl kho mi an si . Kum 36 simi Siangin cachim Ahmad cu sarcus i aw lei tlai tu in  part time in atuan . Ahmad nih aton mi achim .

” Anmah ka hmuh hna in an fahnak tuar mi ka tuar pi hna tin ka ruah . Kei cu hitin ka um zungzal . Midang harnak hi ka cungah ka khinh i ka tuar pi tawn hna ,, an sining hi  atha bik sidingin ka kal pi hna lai . Doctor pa nih an pum cheu i adang tein nun khawh ding si ko tin achimh hna nain anmah nih an rak duh lo “tin achim .

Secured By miniOrange