An cawm chom mi fapa nih a nu le pa cu inn tha tukmi acawk piak hna , thisa tlai lo nain fapa fim …

Fa le cio ahhin i lawh asi lo ,cawm chom mi fa zong nih nu le pa dawtnak thei in lungfim tein an um ahcun chungchuak fa ahau lo ti tluk asi . Nu le pa ngei lomi fa nih an herh bikmi cu chungkhar asi .

Javi timi pa kum 28 cu kum 3 asi lio ah a nu le pa nih an rak hlonh , asinain vanthat ah ngaktah inn ah an rak chiah i nuva hna nih an rak i cawm .

A cawmtu apa Tatai cu Hotel kut ka hngak atuan , a nu cu Nanai ah thil zuar mi asi . Javi nih a cawmtu anu le pa zohkhenh dingah asi khawh chungin azuam .

Javi te chung cu pe 215 simi inn pakhat i innkhan pakhat ah an um hna , adang 28 he an um ti hna . AN umnak cu zu a tam i mei amit lengmang nak asi .

An nunning hi ahar tuk mi asi . Nikhat ah rawl voi 2 an ei ahcun kan i lawm tuk tin Javi nih achim .

Chungkhar zohkhenh ding hi a ruahchih zungzal mi asi . Javi cu college luh khawhnak ah le degree laknak ah ca fak pin azuam . Manager tiang rian kai .

Sianginn akai pah ah amahkhan rian pakhat ah alut . A zuam tuk i kum 7 arauh hnu ah a nu le pa cu tha tein azohkhenh khawh cang hna . A nu le pa nih nuam tein le zalong tein an umnak ding ah inn tha tukmi acawk piak hna .

A hnu bik lar inn tamh moihnak in atuah piak dih hna . Javi cu mipi nih an uar tuki an thangthat cio .

Secured By miniOrange