Covid Hnu (Post Covid) Chin Ram Pawcawmhnak

Vawlei cung Covid-19 rai ruang ah mibu societies le sipuazi pawl cung ah harnak tampi a chuah pi caah hi Covid longh hnu ah zeitin dah timh tuahnak kan ngei lai ti hi a biapi ngai. Hmailei Chin ram caah caantawi (short term), caanlai (medium term) le caansau (long term) caah tangka hmuh khawhnak (income generation) caah plan timhcia kan hau. Chin Ram ah pawcawmnak chawlehthalnak kan ruah ah zapi caah ciinthlaknak le satil zuakkhaalnak hi papek a hau, ramri chawlehnak (border trade), khuatlawnghlawh rian (tourism), thilpuan le thiamtah (garment) le industrial tbt thawk colh a fawi lai lo. Vice President Pu Henry Vanthio nih caan pek in a rak kawlmi hydroelectric chuah khawhnak resource pawl le Bungzung pawng ah mirangvawlei (siment)chuah khawhnak sehzung dirh ding pawl hi caansau long term plan ah hmailei kan thangchonak caah an tha tuk i an biapi tuk.
Ciinthlak rian
Caantawi (Short Term) plan
1. Antam Ci (mustard)
2. Thing bawmbok (Tamarillo or Tree tomato)
3. Khuhlu (Amla)
4. Avocado
5. Fu (sugarcane)
6. Biscut
7. Aluu
Caanlai (Medium Term) plan
1. Tawlre
2. Mitsur
3. Coffee
4. Laphak
5. Apple le Pear
Caansau (Long Term) plan
1. Fir (Pine tree)
2. Macadamia
3. Olive
Hi vialte ah Antam Ci (Mustard) Kong tlawmte in ka tial hmasa lai. Kan Chin ram i kan rak ciinmi antam bantuk si lo in chiti chuah khawhmi Brassica species ci phun. A kung a sau. Ni 90 ah a za i zuar khawh colh a si.
Acre 1,000 caah A Chuah Ning (Assumption Yield)
1,000 Acre M Sales Value/Zuar $
Antam Ci 400/ ton
Ei khawh mi chiti (Edible cooking oil ) 88/ ton 880,000
Volatile Oil of Mustard (VOM) 4/ton 1,000,000
Dried Meal-Satil Rawl 123.2/ton 49,280
Mineralized Water-Fertilizer 200/Ton 100,000
Total Sales 2,029,280 $
Total Sales Sing 27,395 Kyat
Ciinnak/Zohkhenhnak a dihmi phaisa Sing 7000
Hmuhmi A Miak /Total Profit
Sing 20,395
A man ka tuak ning hi Yangon a ummi a cawtu sin ah zahan ka halmi hna market price, a tulio a man a si. A chuahning hi cu Australian Expert Pu Lawrence nih a tuak ning a si. Khuate pakhat nih acre 500- 1000 kar ciin khawh ahcun kum khat ah voi 2 ci tla i voi 2 a vui.
Thla thum/Ni 90 ah a vui/za caah hi rian hi caantawi pawcamnak caah a tha. Australia a ci an in pek lai. A vui tik zong ah an in lak piak lai. Contract farming in Contract tuah cia zong a ngah. Chin ram ah a chuah a tam ahcun chiti chuahnak factory khua tam pi ah dirh khawh a si lai.
By- Sui Hingz

Secured By miniOrange