“Mino te si ning law hohmanh nih a kan control kho lai lo”Ibarahimovic

Milan Drby puai ah goal 2 tiang a thun kho mi Ibarahimovic nih mah puai ah amah a tel khawh lo nak ding caah Virus nih a khenkham nain a ka khenkham taktak lo tiah puai a dih in a rak chim. Mah puai ah AC milan nih
Ibarahimovic nih tuan ah goal a thun khawh caah teinak an rak hmuh cu a si.


Covid virus nih a rak tlunh hnu i a dam pian hnu ah avoikhatnak a chuihmi puai ah kum 38 a si cangmi hmaikal minthang cu a thabik in a rak cawlcang kho mi zong a si. Ibarahimovic cu Milan club pahnih ah a celh balmi zaanglek zong a si. Mah puai ah Pently in goal khat a rak thun khawh.


Inter milan he puai a dih hnu ah Ibarahimovic nih “Kei cu a rim tlawm pal ka rak theih lo caah virus a ngei mi ah a kan ruah. Sihmanhseh zawtnak nih a ka tlunh kho lo. Ni thum voi khat swab a kan lak tawn. Cun Darby puai cu ka celh khawh hrimhrim lai tiah kei mah le kei mah tha ka rak i pe. Cun bantuk ka si zong ah celh cu ka tim.

Positive ka si hmanh ah ka celh khawh hrim lai ti ruahnak ka rak ngei. Ka kumkhua u pa deuh hnu ah na tha deuhmaw tiah an ka ti ahcun aw ka tha deuh ka ti ko hna lai. Cun a lam kip in ka tlamtling deuh tiah ka ruah. Cun tu ahhin mino te hei sining law hohmanh nih a kan control kho lai lo” tiah Movic nih Sky Sports ah a rak chim.

Ref:Sky sports

Secured By miniOrange