“Italy ah Ronaldo nak in Ibarahimovic Image a lian ngan deuh”Alberto zaccheroni

Italay SerieA League zuamnak ah Ibarahimovic Image cu Juventus hmaikal minthang Ronaldo nak in a lian ngan deuh tiah AC Milan le JuventusManager hlun a si mi Alberto zaccheroni nih a chim. Kum 39 a si cangmi Movic cu a luancia January thla in AC Milan he hmunkhat ah rian a tuan ti than mi an si. Cun 2019-2020Season zong ah puai 20 tiang a celh mi zaanglek a si. Cun goal 11 tiang a thun kho mi zong a si.

Ibrahimovic's impact on Italian football greater than Ronaldo - Zaccheroni | Goal.com
Tukum season tu ahucn Covid ruang ah puai 2 lawng a chui kho rih nain goal 4 tiang a thun kho cangmi hmaikal zong a si. Ibarahimovic a that lio caan ah AC Milan ah kum 2 a rak i celh i SerieA zong ah champion a la kho mi a si. Tu ahcun Real in Juventus ah a rak i thial mi Ronaldo he a zuam cuahmah mi an si cang. Ronaldo cu 2018 kum Juventus ah a rak i thial mi a si. Cun puai 91 a celh i goal 68 tiang a thun kho mi zong a si.

I'm president, coach and player' says Ibrahimovic after inspiring Milan
“Manager ka tuan chung ah Champion lawng tein rian tuan ti mi ka si. Adriano bantuk zaanglek pawl he zong atuan mi kan rak si. Sihmanhseh Movic bantuk zaanglek he hmunkhat ah rian kan rak tuan ti khawh lo mi hi ka ngeih chia. Cun tutiang ka lung a tlin lo bikmi cu zei ruang ah dah Ballon d’Or laksawng hi a co hnga lo timi hi a si. Italy ahcun a nih cu Ronaldo nak in mino pawl nih an i zoh chun mi zonga si” tiah Alberto zaccheroni nih a chim. Cun tukum seasonĀ  hram thok ah AC Milan cu a thabik in a cawlcang kho mi club an si caah tu ahcun pakhat nak dirhmun zong ah a ummi an si.

Image

90min

Secured By miniOrange