“Kan Captain thar cu kei mah he hmunkhat ah a thu timi Fernandes hi a si” Solskjser

PSG he an i zuam dingmi Champion Leauge puai hlan United Captain simi Maguire cu khawndennak a ngeih caah manager Solskjser nih an lai kal a simi Bruno Fernandes cu Captain thar caah a rak thim tiah theih a si.
Media pawl he zoom in rak tuah mi interview ah Solskjser nih a rak chimmi cu a si.


Maguire cu Newcastle he puai ah khawndennak a ton caah France ah a kal dingmi zaanglek cazin ah a rak i tel lo nak zong asi. Cun hmaikal thar an cawk mi Cavani zong a rak i tel lo tiah theih a si.

Solskjser cu media pawl nih “Peris pawl he kan i celh dingmi puai ah  Maguire cu a tel khawh lo caah ho nih dah captain rian cu a tuan lai tiah an rak hal. Solskjser nih a leh mi cu “Captain thar cu kei mah he hmunkhat ah kan thu ti ko” tiah a rak chim.Solskjser le fernandes cu zoom interview ah hmnunkhat ah a thu timi zong an si.


Fernandas cu Zoom in tuah mi interview in Captain thim a tongmi a voi khatnak zaanglek zong a rak si. Fernandas zong nih tubantuk thil a can mi cung ah a khuaruahharnak cu tubatuk in a rak chim. “Captain si dingin ka rak i ruahchan bak lo. sihmanh seh lunglawmh ding taktak a si cang. Cun kei mah caah teinak pakhat a si.

sihmanhseh kan dih lak in Captain kan si dih ko. Hopaoh kan mah le kan sining cio tein i bawm cio hna u sih. Captain ti mi pawl zong hi an i lo cio lo. Cucaah thaizing kan i zuam dingmi puai cu kei mah kong a si lo. Kan club caah tu ah a si deuhtiah” a rak chim.

Secured By miniOrange