Kalaymyo:Royal City siizungah riantuan tu daithlang ruangah hngakchia chuak ka athi , Chungkhar nih lungfahnak an chim..

Kalay Myo i private siizung minthang simi Royal City ah nurse le riantuantu daithlang raungah fasem chuak ka cu athi , hi kong ahhin chungkhar lei in an i lungsi kho hrim lo , siizung riantuan tu vialte nih theih dingin ca an tial .

Image may contain: 1 person, text

19.10.2020 zaanlei 5 ah nau cu ngandam tein kan ngeih. Asinain achuah i ni hnih asi ahcun hngakchia tu atak a eng (wa) ,22 ni zaan nazi 5 ah hngakchia cu mei em ding in an kalpi .

A thal in ih ter i em ding simi cu an bok ter. Hngakchia cu an bok ter tlawmpal cu asual len ko . A tap tuk ..a tah thawng kan theih ahhin kan um kho bak lo . Cuti atap chih i minute 15 atah hnu ah a dai . Mei em ahcun bok ter ding asinain riantuan tu nih an zohfel ding kha an rian cu asi .

A ba ruangah adai mi asi lai tin ruah asi . Tlawmpal ahcun nau cu athi tin an kan chimh , annih riantuan tu caahcun apoi lomi asi ko lai nain kannih chungkhar ca cun afak tukmi asi .

Hngakchia chuak ka ahhin nung damnak tiang cu chim khawh asi lo ,asinain a nu le afa he an chuah ka tein an dam dih ko . Hi cu siizung riantuan tu daithlang ,zohfel lo ruangah asi ko . Upa hmanh minute 15 hnar phih in kan bok ter hna sehlaw kan celh ding asi lo .

Hngakchia chuak ka caahcun chim awk um lomi asi . Hngakchia tak eng ruangah mei em cu kan cohlan ko .Asinain an tuahmi palhnak an i theih ter lomi kongah kan lungfak khunnak asi .

Credit:John Paul Run Za Lian

Secured By miniOrange