“Manager dirhmun ah luh dingin ready ka si cang” Pochettino

Spur manager dirhmun in rianphuah a rak tong i kum khat chung manager tuan lo in a rak i din mi Pochettino cu Manager rian tuan than dingin ready ka si cang tiah a chim. Pochettino cu Juventus, PSG le Barcelona manager caah a min a rak chuak ngaimi zong a rak si. Tu ahcun Manchester United manager caah thawng a rak chuak bantuk in United Fans pawl zong nih Pochettino cu Otrafold ah a um cu hmuh kan duh tiah an rak chim.

Manchester United cu tu kum season ah Premier League dirhmun level 15 ah a um lio mi zong a si. cun Champion League zuam nak zong ah group stage in a kai kho dingmi club ah mipi nih zumh ngai mi zong asi. Mah bantuk pawl ruang ah Solskjaer zong manager dirhmun in phuah a ton rih lonak zong cu a si. Pochettino nih Premier League zuanak ah rian tuan than a duh nak kong cu tubantuk in a rak chim.


“Mah ka ram ah in ka rak hmuhton mi nunphung, ziaza le an thiltuah mi pawl nih ka khuaruah a ka har ter. Mah pawl nih ka thinlung a kan lak khun. kei cu Manager dirhmun in rian tuan than ding hi caan tha a hngak pengmi zong ka si.Pumpululh lentecelh hi ka uar khun.Manager dirhmun cu ka rian a si lo. Ka Psddion a si. mah ka hmun ah rian tuan cu Pressure a tam tiah ka ruat lo. Training tuah nak ah si seh celhtual chung kan i zuamnak ah siseh pressure a um lo. Nanzumh lo cun ka lu hi zoh ko cu… ka lu ka sam a um rih a si ko lo maw. Cucaah celhtuar chung ah ke van thlak than cu ka caah caan tha bik a si. Ka dawt mi pumpululh lentecelh nak he i ton than ka duh cang. A bik in zaanglek pawl he i ton i rian tuan ti hi ka ngai khun” tiah a chim.


Pochettino cu Spur ah kum 5 chung manager dirhmun in rian a rak tuan mi a si. Cun Champion League final zong ah Spur cu a rak phanh pi hna. Cun Spur celhtuar thar an sak lio caan zong ah club zohchia pi tiang a phak lo nak hnga a thabik in a rak thit hruai kho mi manager zong a si. Pochettino nih “tu hnu ka tuan nak ding cu Premier League ah a maw a si te lai ti cu ka chim kho rih lo. A fiang bik mi cu kei mah nih kutka kau pi ka on peng ko. Ka ruah chanbik mi cu kei mah caah a thabik mi cu plan tha tein a ngei mi club phun nih a kan auh ding mi hi a si” tiah a chim.

Man United told to make Solskjaer decision as Mauricio Pochettino responds  to speculation - football.london
Ref:Sky sports

 

 

 

Secured By miniOrange