Messi nak in Ronaldo a that deuh nak cu a ralaimi caan ah kan hmuh cang lai

Ronaldo le Messi an pahnih ah hodah a tha deuh timi biael nak cu zei tik hmanh ah a dai kho ding mi a si lo. Ballon d’Or laksawng zong kum 15 chung tiang te a chang tete in a la mi an si. An pahnih an i zuam cawh nak thawng in mipi zong kan lung a nuam i zei tik hmanh ah chim le ceih a tong peng ding zaanglek pahnih zong an si ding cu a fiangngaimi a si.


2008 kum in an i zuam cawh nak cu a rak i thok mi a si i tu ahcun kum 10 leng a rak si cang nain tu tian an i zuam cawh nak cu a dong kho rih lo mi zong a si.Kan hn lei caah ah Ronaldo le Jvuentus cu Messi nih Turin ah a rak tei mi cung ah Ronaldo cu a lung a nuam theng lai lo tiah ka ruah.


Ronaldo cu Covid negativea si hnu ah Juvents caah a rak i tel than i minutes 30 tluk a rak i celh. Cun Juventus caah a celh mi second 126 ah goal a rak thun khawh bantuk in Penalty zong in goal a rak thun khawh. Ronaldo cu Covid zawtnak ruang ah ni 19 chung a rak i din mi zong a si. Sihmahseh a celh minutes 3 tluk ah opening play in goal a rak thun khawh nain Laliga ah puai 6 tiang a celh cangmi Messi cu Penalty goal a rak thun khawh lo a si ahcun tutiang goal thun khawh dawh a si rih lo.


Ronaldo cu a luancia season ah Club le Portugal caah puai 31 a rak i celh i goal 32 tiang a thun kho mi zong a si.Tukum season zong ah puai 6 a celh i goal 7 tiang a tunkho mi zong a si. Juventus caah tukum puai 3 chung in goal 5 tiang a thun kho mi asi nain Laliga ah puai 6 a celh i goal 1 lawng a thun kho mi Messi cu a let in an tei.

Cristiano Ronaldo scores brace on his return to action after contracting  Covid-19 - CNN
Ronaldo cu tulio pumpululh zaanglentecelh nak i goal thuntambik pakhat asi ve mi Brazil zaanglek minthang a rak si mi Pele nih a ngeih mi Club le National caah goal a thun mi zat a phak khawh nak ding caah goal 14 lawng a duh cang tiah theih a si. Cucaah tutan Pele nih a ngeih mi record a  phak a si ahcun Messi nak in a thadeuh mi zaanglek a si cu mipi nih cohlan ding a si cang. Messi tucu Barcelona ah buai nak a phunphun in a tong lio mi zaanglek a si. Cucaah tukum season i Messi le Ronaldo an i zuam cawh nak cu zei bantuk dirhmun dah an phak than te lai ti cu mipi lung a ka la khun ko.

Cristiano is back' - Ronaldo thrilled after match-winning return but won't  talk about coronavirus test criticism | Goal.com
90min

Secured By miniOrange