Messi hi Penalty lawng te in maw goal a thun tak cang ko lai…?

Tukum season Barcelona caah Lionel Messi cu Penlty lawng tein goal a thun khawh i open play in tu tiang goal a thun kho rih lo mi zong a si. Cun ni zaan champion league zuam nak zong ah Dinamo he puai zong ah Penalty in goal khat a thun khawh. Mah goal zong Messi caah tukum season champion League group stage puai 3 a zaumah goal a thun kho pengmi zong a si.


Phun dang chim ahcun tutiang ah Barcelona cu puai kip penalty lawng tei an hmu mi club an si. Messi cu tukum season ah puai 9 an i zuam i goal 4 tiang te penalty in goal a thn khawh mi zong a si nain open play in goal khat te hmenh a thun kho mi zong a si.


Mah kong he pehtlai in football lei bia chim deuh mi cheukhat nih Messi cu a celh ning a thlen ruang ah a si tiah an ti. Messi cu a luancia season lio zong ah goal thun khawh nak in assist lei deuh le a hawi le caah tam deuh in rian tuan hi ka zuam deuh mi a si tiah a mah Messi zong nih a rak chimi cu a si.


Sihmanhseh a luancia season lio i Messi i goal a thun mi he tukum goal a thun mi kan tahchun asi ahcun a tlawm deuh mi cu kan theih cio mi a si.Puai khat ah goal thunnak ding caan tha 10 a hmuh nain goalkhat hmanh a thun khawh lo caah mipi khuaruah a kan har ter nak zong a si. Kum 33 a si cang mi Argentina le Barcelona zaanglek minthang Messi cu nizaan an i zuam nak puai zong ah amah he zuam cawh tu zaanglek pakhat nih bawlung a rak i tlik pi mi cu voi khat te hmanh a kham lo caah soisel a tongngaimi zong a si.

Image
90min

Secured By miniOrange