Uk nak chut mi Ralkap pi cu doh kawh ve nak ding caah CDM a lut ve mi Ralkap Bawi pakhat nih Mino pawl Raltuk cawn nak a tuah.

Uk nak chut mi Ralkap cu hriamnam i tleih in doh kawh ve nak ding caah Raltuk cawnnak(စစ်ပညာသင်တန်း) pakhat cu Kawlram ramri pakhat ah May(8) ah cawnpiaknak cu an thawk.

Raltuk cawnpiaknak ah a chim tu ding mi cu Mandalay Ramthen,Meikhtila(မိတ္ထီလာ) i um mi Ralkap bu(တပ်မ 99)ah rian a rak tuan bel mi ralbawi Hein Thaw Oo asi.Ralkap nih rimro lo in uk nak an lak mi cu a rak duh ve lo ruang ah CDM ah a lut ve mi asi.

Ahman ning ten ral i tuk nak ding caah hriamnam i tlaih cu a hau hrimhrim mi asi,a hman mi lei ah kan diar ko tii kan i zumh ko ah cun biatak te in i zuam zong kan hau,Uk nak chutmi Ralkap he zeitik caan poh ah ruah lo pi in a kap kho mi kan si tiah ralbawi Hein Thaw Oo nih cun raltuk cawnnak i a ra mi han cu a ti hna.

Ral i tuk ti mi cu zeihmenh i ruah chih awk a tha lo.Anmah cu kanmah sin ah a ra kho mi an si bantuk in kanmah zong anmah sinah a kal kho mi kan si ve.Ralpi a thawh cu tuni zong a sii khawh bantuk in thaizing zong a sii kho mi asi ti zong in a chim chih.

Ahram thawknak raltuk cawn nak a si ban tuk in raltuk kong lawng silo in Ngandam nak lei,Mirang ca,Komputer cun Zungthiam nak lei zong kan chimh chih hna lai tiah ralbawi Hein Thaw Oo nih Myanmar Now biahal nak ah a chim.

Mipi cung i a suallam zong um lo,a raung zong um lo in an thah thluahmah mi han hi cu kei mah hrimhrim zong nih ka cohlang kho lo.Cun mipi han zong nih cohlan khawh hrim a si lomi a si.Zeitluk hmenh in ing kho hmenh han seh law a tu lio ralkapbu chung i a um mi minung lungput a ngai lo mi ralkap pawl zong hi a caan phak ah cun an thi thiamthiam ve ko lai ti zong in a chim.

Cu raltuk cawnnak ah cun Kawlram chung hmunkip ka kip in kum(20) in kum(35) karlak a si mi mino tam pi an kai hna i Uk nak chutmi ralkap nih mipi hna cung i thil thalo an tuah mi cu kan mah pumpak hrimhrim in kan hmuh ti in raltuk cawnnak a rak kai mi hna nih cun an chim.

Ralkap nih uk nak a lak ri in May(7) tiang ah hin mithalo ralkap kut in zeisual nak hmenh a ngai lo mi mipi a nunnak a liam mi hi 773 an si i tha ten hlethlai i ral khawh ah cun mah nak hin a tam deuh lai tiah The Assistance Association for Political Prisoners (AAPP) nih may(7) ah ca a rak chuah.

Cu ruang ah cun hriamnam i bochan in mipi cung i thilthalo a tuah mi ralkapbu cu hmaitonh in i ton ngam nak ding caah timhtuah nak kan ngai cang tiah ralbawi Hein Thaw Oo nih cun fiang te in a chim.”Mi a nek ngam ngaimi pawl,Mah pumpak in mipi a that ngam mi pawl,nan mah thih lai ni cu rak i ruah cia ve ko uh” ti zong in a ti rih hna.

Uk nak a hruhpimi kuttang in kan luat kawh nak ding caah ram a that nak ding caah cun zeiban tuk bu pohpoh he tanti kan i timh bantuk in a cheukhat phu pawl he cun pehtlaih nak kan ngai cang ti zong in ralbawi Hein Thaw Oo nih cun a chim rih fawn.

The National Unity Government (NUG) zong nih hmailei caah Federal Ralkapbu derh khawh nak ding caah tlangcung hriamnam tlaimi pawl zong he biaruah nak a ngaih cang i hmaikal ah People Defence Force(PDF) ti mi cu ralveng lei zulhphung he pehtlai in kan derh cang tiah May(5) ah ca zong an rak chuah cang.
#Crd
Myanmar Now.