Indaw (အင်းတော်) khua Mae Za (မဲဇာ) hmun i ummi Sitaw Kone (စစ်တောကုန်း) khuate siangin cu apuak i akang. Meithah ah arami mitat mawtaw cu a let i mi pahnih an thi.

Lai Com, May 26/2021.
Sagaing ramthen Indaw (အင်းတော်) khua Mae Za (မဲဇာ) hmun Sitaw Kone (စစ်တောကုန်း) khuate i ummi siangin cu May (25) ni zan nazi (10) hrangah apuak i akang tiah Sitaw Kone khuanu khuapa hna nih an chim.

Mei nih akang ruangah asau pe(140), a kauh pe(30) asimi cacawn nak siangin cu arawkdih tiah theih asi. Mei akang kate ah hin apuakmi thawng kan theih i mei ahlio tukhnu lawngah meithah asi tikah siangin cu aningpiin akang dih tiah khuanu khuapa hna nih cun anrak chim.

“Meihri akang ruang zongah asilo. Apuakmi thawng zong kan theih tikah hin datsi toih i khanghrim mihi alo. Aleng leiin bom in rakcheh tiiahle mawtawka lam he ahlat tukfawn. Cun kuami hna hi siangin on le on lo kongah phuhnih in an i then. On siseh a timi hna nih tuni( may 26) ah kin an sawng (ကင်းစောင့်) ii siangin on cu an timh. Hithil acangmi cung ahhi aho ansi tiawk hi chimawk ah arak harngai. Khuabawi hna nih Indaw palek sakhan ah ahmuh cu an vaphunh. Ruah asur liopi asi tikah ahohmenh nih mei akang cu aruahawk ah kan theilo. Lung arak thalo tukmi cu meithah ah arami mitat mawtawka cu lampi ah arak i let i meithat tu pahnih cu an nunnak aliam tiah” Sitaw Kone khuami pakhat nih arak chim.

Mitat mawtaw aleh ruangah a nunnak aliam mi hna hi U Nyan Htet Oo (akum 24) le Aka Phyo (akum 21) hi ansi.
Indaw (အင်းတော်) khua hi ahlan ahcun khuadai ngaimite araksiko nain February (1) in uknak ahruh pimi ralkap nih uknak an chuh hnu in tlanglawng lampawl bom in puah le, mawtawka lam, tiva hlei cung ah bom hmanh in bom phuah hi arak tamngai tiah theih asi.

#Photo-CJ