NUG cozah pihe ahmasabik tanti dingin afonhmi CNF.

Lai Com, May 29/ 2021.

Chin ralkap CNF le NUG cozah cu tuni May (29) ah kaphnih hnatlak butein lathmat anrak thut ii hmun khat ah kan i fong cang tiah CNF nih thawng thenh nak arak tuah.

Cu kaphnih hnatlak nak an tuah mi ah cun NUG le CNF karlak ah pakhat le pakhat i cohlan nak, pakhat le pakhat i upat ding timi pawl anrak i tel hna i uknak a hruhpimi ralakp cu dohti ding le Federal Democracy phunglam ningtein a hohmenh thleiden nak umlo tein tan tinak caah le a herh mi a dangdang tuanti dingin biaruah nak anrak tuah mi ah cun arak i tel.

NUG cozah le CNF hruaitu hna nih kaphnih hnatlaknak anrak tuahmi ahcun NUG lei in kawlram vice president Duwa Lashi La, union minister Mahn Win Khaing Than, Minister of foreign Affairs, Secretary of defense tiin lee CNF lein chairman Pu Zing Cung , vice chairman hna le adang chungtel hna nih lathmat an thut tiah caa anrak chuahmi ahcun anrak tial.

CNF hi kawlram pumpi i kah, i doh nak cuu ngol sicangseh tiah lungtlin nak anrak tuahmi (NCA) sachoih cu (October, 15/ 2015) kum lio tein adang tlangcung hriamnam tlaimi phu (7) hna he avui khat nak lathmat arak thu vemi tlangcung hriamnam tlaimi arak sive.

NUG anrak derh kate ah hin CNF i vice chairman asimi Dr. Salai Lian Hmung Sakhong cu NUG nih Federal Pyidaungsu lei ah Vuanci rian anrak pekmi asi.
NUG cu uknak chutmi ralkap nih mithalo phuu ansi tiah thawng arak chuah hnu in zeibantuk tlangcung hriamnam tlaimi hmenh nih NUG cu raltha ngai in anrak thohkhan ngamrihlo lioah hin CNF nih a hamsabik fonhtom nak arak tuahmi asi.

NCA lathmat arak thumi adang tlangcung hriamnam tlaimi hna nih hin nuknak chutmi ralkap he kawlram pi caah biaruah ti nak ngeihkhawh ding tuu hi an rak i zuam. Cu tlangcung hriamnam tlaimi hna nih May (11) ni ah miramdang tanzung pawl sinah caa anrak kuatmi hna ah kawlram chung i rampi piahtana vialte rak phisin pii dingin Tuluk ram tel in NCA lathmat thut nak ah tatte asimi ram pawl sin i caa anrak kuatmi hna ahcun CNF chairman Pu Zing Cung cu i tel in lathmat zong arak thu lomi asi tiin theih asi.

#Crd