Moenyein ah USDP party upa le inn 100 uktu Dalan meithal in an kah i a thi

Moenyein ah USDP party upa le inn 100 uktu Dalan meithal in an kah i a thi

Kachin ram Moenyein ah USDP party tuanvo ngeitu zong a si i inn 100 uktu Dalan U Ye Khe cu July 10, 12:40 hrawng ah aho si hngalh lo mi hna nih meithal in an kah i a thi.

U Ye Khe nih cycle a mawngh. A hnu lei ah minung pakhat ai phirh ve. Cycle cung in an kal lio ah an hnulei in an kah hna i a hnulei ai phirh mi pa cu a baan ai hliam. U Ye Khe cu a hnak chung ah kuan a lut i a thi colh, tiah khua mi nih an chim.

U Ye Khe hi USDP party tuanvo ngeitu lutlai lei deuh minung a si pin ah inn 100 uktu a si fawn i Ralhrang sin ah thawng petu Dalan a si an ti ca ah an kah mi a si, tiah khua mi hna nih an chim.

“Kachin ram Moenyein myone Hupin USDP party tuanvo ngeitu up le inn 100 uktu U Ye Khe cu aho si hngalh lo mi hriamtlai hna nih meithal in an kah i July 10, 12:40 hrawng ah a thi,” tiah Hupin USDP nih an thanh.

Khit Thit Media