Atulio Hakha ah COVID-19 zawtnak ngei minung 88 thlopbul an si, minung 4 an thi cang

Atulio Hakha ah COVID-19 zawtnak ngei minung 88 thlopbul an si, minung 4 an thi cang

June 10 in July 10 zaanlei suimilaam 3:30 tiang Hakha ah COVID-19 zawtnak ngei thlopbul lio mi minung 88 an si i minung 4 an nunnnak a liam cang tiah kan theih.

“June 10 in July 10 zaanlei suimilaam 3:30 tiang Hakha ah COVID-19 zawtnak check mi minung 1093 an si i cu chung ah minung 175 zawtnak an ngei. Zawtnak in minung 4 an nunnak a liam cang. Zawtnak in minung 83 an dam than i atulio ah zawtnak ngei thlopbul lio mi minung 88 an tang rih. Hakha sii-innpi ah minung 71 le Hakha Tainggyi sii-inn ah minung 17 thlopbul lio an si. Suspect in a thi mi hna cu minung 5 an si,” tiah Hakha Christian Ministers Fellowship Secretary le Public Healthcare Team Leader Rev. Dr. Steven Lian Hup Ling nih a facebook cahmai in July 11 ah a langhter.

Crd: The Hakha Times