A Fanu Nih A Hlonhnak Kum 10 Asi Cang Nain A Ka Auh Țhan Te Ko Lai Tiah Ruah Channak A Ngei Mi Tarpa

A Fanu Nih A Hlonhnak Kum 10 Asi Cang Nain A Ka Auh Țhan Te Ko Lai Tiah Ruah Channak A Ngei Mi Tarpa

A fanu nih hringtu a pa a hlonhnak kum 10 a tling cang nain hringtu a pa nih ai ruahchan mi cu ni khat khat ahcun ka fanu nih a rak ka auh țhan ko lai ti mi ruah channak ngei in a hngah peng. Asinain mah tluk sau a hngah ko nain a fanu nih a auh hlei lo tiah a hlan bantuk in ka fanu nih a ka auh than te ko lai ti mi ruah channak a ngei tuk lem ti lai ka zum lo.

Hringtu nu le pa nih fa pali nga a kan ngeih, fale cawmnak dingah an ka chung ah a lut ding hmanh chuah in a kan pe siangtu an si. Cu tluk in hringtu nu le pa nih fale caah ti in a siang mi le ai zuam mi an si. Asinain fale nih hringtu nu le pa an tar tikah cheukhat cu a fih mi hna an um i, hmunkhat ah umți zong a duh lo mi hna an um, cu bantuk mi hna cu ngeihchia ngaingai an si.

A cunglei i kan langhter mi a Fanu Nih A Hlonhnak Kum 10 Asi Cang Nain A Ka Auh Țhan Te Ko Lai Tiah Ruah Channak A Ngei Mi Tarpa kong hi Thailand ram ah a cang mi asi i,  Poramet Misomphop timi pa nih social media ah a phozar mi asi.

Tarpa pakhat lam kam ah lung rawk ngai in a țhu lengmang mi cu Poramet Misomphop nih a pawngah va kal i biaruah…

Mah tarpa a theih mi nu pakhat nih a chim mi cu “Mah tarpa hi nu pakhat nih a luancia kum 10 lio ah hika hin mawtawn in a rak chiah, cu hnu ah mawtaw cu lo diam a kal” tiah a ti. A fanu nih a hlonh ko nain a cungah thinhan nak le huatnak um lo in a fanu rat țhan lai a hngak peng. Cu tarpa cu a konglam a hal tikah “ka fanu rianțuan ah kal a duh caah hika ah cikhat te rak um chung a ka ti” tiah a chim.

Cu tarpa cu pawngkam ah a um mi dawr ngeitu hna nih ei awk le din awk an pek tawn, ka fanu nih a rak ka auh țhan te lai tiah ai ruahchan peng i a um nak hmun zong țhial lo tein a um peng tiah theih asi.

A fanu hi pumpak mawtaw le mi ngei deuh nawn si dawhdang asi. Cu tarpa cu khawika dah na rak um nak si tiah an hal nain ka fanu sual an phawt sual lai phang ah zei hmanh a chim lo ti si.

 

Credit:

Be the first to comment on "A Fanu Nih A Hlonhnak Kum 10 Asi Cang Nain A Ka Auh Țhan Te Ko Lai Tiah Ruah Channak A Ngei Mi Tarpa"

Leave a comment

Your email address will not be published.


*