A Tar Ngai Cang Mi Hringtu Pa Rawldawr Ah Rawl A Ei Hnu Ah Man Sunglawi Takatk Thil Pahnih A Chiah Ta

A Tar Ngai Cang Mi Hringtu Pa Rawldawr Ah Rawl A Ei Hnu Ah Man Sunglawi Takatk Thil Pahnih A Chiah Ta

A tar ngai cang mi hringtu pa cu a fapa nih rawldawr pakhat ah a kalpi ti si.

Hringtu a pa cu a tar ngaingai cang caah rawl a ei tikah buhfang le meh hang pawl kha a kut ah siseh a bawngbi le angki tiangin an i neh dih. Cu tikah pawngkam ah a țhu mi hna nih nihsawh ngai le fih ngai in an pafa cun an zoh hna, asinain a fapa cu zei paoh lo in dai tein a pa cu a zohkhenh.

Hringtu a pa nih rawl a ei dih hnu ah a fapa cu zei hmanh ningzak lo in, țhutdan cun a thawh i hringtu a pa cu a hruai i kutțawl nak lei ah a kalpi.

Kutțawlnak lei ah a pa kut kha thiang tein a țawl piak, cu pin ah a bawngbi le a angki ah ai nalh mi pawl kha a thianh piak dih, a sam zong țha tein a van tuah piak.

An pafa in kutțawlnak lei in an van chuah tikah rawldawr ah a țhu mi hna nih fihnawn le nihsawh nawn tein an zoh hna,

A fapa nih an ei mi rawl man pek dingah a pa hruai pah in counter lei ah an kal, cu lio ah an pawngkam ah a țhu mi tarpa pakhat nih a fapa cu a hei auh….

“Ka fa… thil pakhat tal kan philh tiah na ruat lo maw?”

“Kan philh lo” tiah tarpa pakhat cu mino pa te nih cun a hei leh.

Cu tikah tarpa nih cun “nan philh mi a um ko… mah rawldawr ah a țhu mi kan dihlak caah nunzia chimhnak na kan chiah ta, hringtu pa le hna caah ruahchannak nganpi zong na kan chia ta” tiah a ti.

Cu ti tarpa pakhat nih a ti tikah pawngkam ah a țhu mi hna cu mit hmai chiahnak hngal lo in an um.

Mah ca nih zeibantuk nunzia dah a kan chim….

Kan ngakchiat lio ah a kan zohkhenhtu hringtu nu le pa hna tar lei le upat lei an si tikah an duh mi hmanh an i tuah kho theng ti lo, cu tikah fa le nih kan zohkhenh hna le kan țhithruai hna an hau ve. Cu bantuk in mi hmai ah hringtu nu le pa zohkhenh hi ningzah thil le fihnung thil a si tiah ruah lo ding, a sunglawi tuk mi rian asi.

Hringtu nu le pa hna kha zeitin dah kan zohkhenh hna ti mi cu kan mah le kan mah a thei cem tu kan si ko.

Hringtu nu le pa nih kan chuahka in kan puitling tiang duh kan nun ah siseh, duh kan nun lo zongah siseh kan zuun le kan ek a kan fim piak dihtu an si. Hringtu nu le pa zong kum upat lei le tar lei an phak tik ahcun fale nih an tuah khawh ti lo mi kan tuah piak ve hna aw asi. Hringtu nu le pa zong ngakchia bantuk in tar lei ahcun zohkhenh le conglomh a hau ve mi an si.

Hringtu Nu Le Pa a Daw mi le A Zohkhenhtu fanu țha fapa țha si cio hna usih.

#credit

Be the first to comment on "A Tar Ngai Cang Mi Hringtu Pa Rawldawr Ah Rawl A Ei Hnu Ah Man Sunglawi Takatk Thil Pahnih A Chiah Ta"

Leave a comment

Your email address will not be published.


*