Kum 2019 Kawl Titoih Puai Ah Minung Zeizat Dah An Thi

Kum 2019 Kawl Titoih Puai Ah Minung Zeizat Dah An Thi

Kum 2019 kawl titoih puai ah kawlram chungah minung 288 an thi i minung 1000 renglo nih hliamhma an hmuh tiah cozah lei nih langhternak an tuah.

Titoih puai chungah ai chawkletmi hna nih rithai sii tam deuh in hman ruang, mawtaw le cycle zulh phun ngaih lo in mawng ruang le vuaknak ruang bik ah an si.

Titoih puai he direct in ai pehtlai in a thi mi hna dihlak: mithat lainawnnak in minung 7 an thi ii hliamhma tuar mi 4, mawtaw pahnak voi 21 a um i minung 8 an thi i minung 69 nih hliamhma an tuar, vuaknak voi 36 a cang  chungah minung 57 hliamhma an tuar, mifir pahnih, ti chungtla mi minung 14 (minung 14 ning in an thi) tiah theih asi.

A cunglei ah kan langhtermi titoih puai he ai pehltai mi sualnak kongkau cu kawlram chung state le division 11 chungah a cangmi asi. a thi mi an tamcem nak hi Sagaing division, Yangon division le Naypyidaw ah an si.

Cu pin ah Titoih puai he ai pehtlai lo in kawlram pumpi ah a thimi hna; mithat lainawn sualnak voi 30 a cang i cu chungah minung 31 an thi ii minung 3 hliamhma an tuar, mawtaw pahnak voi 339 a cang ii cu chungah minung 115 an thi ii minung 728 nih hliamhma an tuar, i vuaknak voi 105 a cang i minung 144 hliamhma an tuar, ti tlaknak ah minung 113 an thi, firnak case voi 36 a um tiah cozah lei nih langhternak an tuah.

Titoih puai lio ah tihnung thil a chuahpi kho mi thil asi mi Fung, Nam Phunkip, Chai, Chingcu, Thir, cehrep le a dangdang 427, zuu le beer phunkip palang 57179, Rithai sii dinmi, thuhmi, a chunh in chunh mi le sii dangdang talh in dur 625, Sii Tlang 2392, Sii dar 336 le chunhmi dur 2 hna an tlaih khawh hna ii minung 2797 cu an sual ko tiah an tlaih lio hna asi, upadi he ai tlak lo mi thil an tuah tiah an tlaih lio hna an si.

ref:DVB

Be the first to comment on "Kum 2019 Kawl Titoih Puai Ah Minung Zeizat Dah An Thi"

Leave a comment

Your email address will not be published.


*