A Saya Țhing Mourinho Cu Bayern Coach Siseh Ti A Duh Nak Ballack Nih A Chim

A Saya Țhing Mourinho Cu Bayern Coach Siseh Ti A Duh Nak Ballack Nih A Chim

Germany pumpululh chuih thiam Ballack nih a saya țhing asi mi Mourinho cu Bayern coach ah țuan seh ti a duhnak a chimphuan. Mourinho nih Bayern ah Coach a tuan si ahcun Bundesliga ca zongah a țhatnak lei a tampi lai.

Tulio Bayern cu Kovac nih coach a țuan cuahmah liopi asi. Kovac nih Bayern a tlaih kum khatnak ah Bundesliga champion si kho dingin har ngai in an chuih, cu tikah Kovac caah hmailei kong chim chung a har ngai. Bayern nih kum dang bantuk in Bundesliga ah champion fawi tein teinak hmu lo in zuam cawhtu bik Borussia Dortmund he an i zuam cuahmah lio si.

Cu pin ah Bayern cu Champion league ah Liverpool nih Round 16 ah an tei hna i champion league zuamnak ah tuan tein an chuak. Bayern nih april 6 ah bundesliga ah zuamcawhtu bik Borussia Dortmund cu goal 5-0 in an rak tei hna, cu tikah kum 7 pehtlai in Bundesliga champion si nak dingah ruahchan nak tampi a um.

Asinain Bayern nih Bundesliga ah champion laksawng an ngah khawh hmanh ah Bayern president nih Kovac hmailei caah zei hmanh amakhan nak ka ngei lo tiah a ti. Cu ruangah Bayern lei nih tulio an coach kovac cu chuah i coach thar an auh ding si ahcun Mourinho hi Bayern Coach caah ai tlak bik asi tiah Ballack nih a chim.

“Kovac hi tulio Bayern caoch asi caah upatnak kan pek awk cu asi. Kovac nih a rian kha a țhabik in a țuan mi asi. Asinain Bayern nih Coach thar an lak ding si ahcun Mourinho hi mi a hip kho cemtu asi lai” tiah Ballack nih a ti.

Pep Guardiola lio zongah kan hmuh cang. Cu hnu ah Mourinho nih Bayern ah coach a țuan ahcun zanglek celhthiam cawk zong an fawi deuh lai. Tulio Bungdesliga ah Premier league bantuk in zanglek celhthiam an um lem lo” tiah ballack nih a chim.

Kum 2006 in 2010 tiang chelsea ah a rak chuih mi Ballack nih Premier League champion voikhat a rak lakpi bal hna. Mourinho nih a ra lai mi pumpululh chuih kum ah coach ka țuan țhan cang lai tiah chimphuannak an ra ngei. Tulio ah Mouriho cu Bayern le PSG ah coach a țuan lai tiah thawngpang a leng i zei club ah dah Mourinho nih Coach a țuan te lai tiah mizapi nih cuanh cio mi asi.

Ref Be Soccer

Be the first to comment on "A Saya Țhing Mourinho Cu Bayern Coach Siseh Ti A Duh Nak Ballack Nih A Chim"

Leave a comment

Your email address will not be published.


*


Secured By miniOrange