Tihal Celh Lo In Minung Thlan Tiangin Saram Nih An Dawp

Tihal Celh Lo In Minung Thlan Tiangin Saram Nih An Dawp

Nih a linh tuk ruangah ramtangah a um mi saram pawl zong tihal le dangcar in an um, khuaivah pawl nih minung thlan tiangin an rak dawp tikah khuami hna nih hmunkhat te ah i bawmh in saram hme tete tihal in a um mi ti an va dinh hna. cu bantuk in ti an va dinh hna nak cu Min Kin peng, Co Pan Kung Khua (မင္းကင္းၿမိဳ႕နယ္ ေက်ာက္ပန္းကုန္း႐ြာက) ah a um mi khuami cheukhat nih tu bantuk in i bawmh in ti an va dinh hna hi asi.

Ni a linh ning hi kum 10 bu chungah tu hi a linh cem asi tikah kawlram a laifang hrawng asi mi Sagaing division, Magwe division le Mandalay division hna hi voidang nak in a linh a fak khun.  Cu batuk in ni a linh tuk ruangah Sagaing division, Min Kin Khua pawng ah a um mi Maharmyan ti mi tlang cungah a um mi Insect talh in saram hme pawl tihal dangcar in an um tikah Min Kin Peng, Co Pan Kung khuami cheukhat nih i bawmh in ti an va dinh hna tiah theih asi.

Vawlei Bel A Chiami An Khuai Mi Ah Ti An Chiahmi Khuavah nih an din lio

Khua he mile 20 ai hlat nak Maharmyan ramtang kalnak ah khuaivah siseh adang khuai hna nih a rakra mi hna minung i an thlan an dawp tik hna ah an tihal an celh ti lo hi teh tiah kan theih tiah Min Kin Peng, Co Pan Kung khuami hna nih an chim. Kawlram chungah nikhat hnu ni khat a linh chin lengmang tikah minung ca lawng si loin saram hme mi ca hrim ah thinphan asi cang.

Khuami hna ramtang an kal tikah khuai a bu in an rak zuang ii minung seh lo in, minung kan thlan a chuakmi ti tu an rak dawp mi kan hmuh tikah khuami hna nih 5 kala, 6 kala tipung ah ti rawn in sanseh mawtaw in ti i put i ti kan dinh hna tiah Co Pan Kung khua ah a um mi Ma Cho Lay Khine nih a chim. Maharmyan ramtang ah mabantuk hi a tam ngai, ziah tiah cun tikhur zong a um lo, cu tikah saram hme mi le khuai pawl tihal dangcar in an um nak hi asi. a hlei in Maharmyan ramtang kalnak ah khuai a bu in an rak zuang tawn i minung seh a kan timh rua kan ti nain, minung seh lo in kan thlan tu an dawp mi kan hmuh tik hna ah tu bantuk in ti i kenh in kan va dinh hna nak hi asi tiah Ma Cho Lay Khine nih a chimchap.

Mah le tikhawh tawk in tipung in ti an ken lio

Cu bantuk ti kan va dinhmi hna chungah ai telmi hna cu chungchep, thiahhlei, ram ar le khuai hna hi an si i, saram lian mi cu an i tel lo tiah Ma Cho Lay Khine nih a chim.

Co Pan Kung khua in Chindwin tiva hi mile 1 hrawng ai hlat ii, Maharmyan tlang in khua hi mile 20 hrawng ai hlat tiah a chimchap. tu bantuk kan ton mi hi voidang ah kan hmu bal lo, atu hi avoi khatnak kan ton asi ii, saram hme mi le khuai pawl ti kan dinh mi hna zong avoi khatnak asi tiah Ma Cho Lay Khine nih a chim. Ti kan dinh mi hna hi avoi khat nak lawng asi ii, khuacaan a linh peng ko rih ahcun va dinh than ding zong timhtuahnak kan ngei tiah a ti.

Shwesatdaw ramtang zongah ti an car dih ,cu tikah Magwe divsion, thingram zohkhentu zunglei nih tikhuar ah ti an rawn piak hna, Shwesatdaw ramtangah a um mi saram hna lakah a hlei in sazuk, sakhi pawl hna hi a tlawngleng mi an si.

Saram nih an din tawn mi tikhur a rocar tikah tihal le dangcar in an um, cu tikah May 12 ah magwe thingram zohkhentu zunglei nih si hna seh, ohchohhmu zung hna nih ti bawmhnak an tuah mi zong hmuh khawh asi. May thla chungah khua caan a lin chinchin lai tiah khuacaan zohthiam hna nih an chim. mah ti ning tein a linh chin lengmang ko rih ahcun saram hme mi ti va dinh than dingin timhtuahnak kan ngei tiah Co Pan Kung khua ah a um mi Ma Cho Lay Khine nih a chim.

Credit to BBC

Be the first to comment on "Tihal Celh Lo In Minung Thlan Tiangin Saram Nih An Dawp"

Leave a comment

Your email address will not be published.


*